PAWISIK


PAWARAH NING PAWISIK, BTN. BERMIS PRAYA. 1

{1a} Awighnam astu nàma siddhaý.
Iþi pawarah ning wisik, wus têlas, rêngê haywa simpang angênta, yan sira siddha ring patinta swargga, wruhana ahungguh ing wurip ta, hana suryya candra trangganà lintang ring awakta, ika hawasên dén jati ri luhur ing anggà mwah ring sor ing angganta. Yan ri jaba mwah ring jro ning angganta, iki tatà ning sariranta ; yan ring jaba ning awakta, don ing sama angra -/- ûa, mapan téja ning suryya, mwah téja ning sanghyang {1b} hulan, téja ning trangganà lintang, ya saking jro ning sàrirantà, ya suryya hatinta, ya wulan amprunta, ya trangganà pupusuh ta, ya lintang wutêkta, ya hingaran hati putih, kahora dé ñali putih, ya hingaran sari ning tuñjung, irika paraning turu, sangka tangi, ya ungguh ing bhaþàra ning sarira, sari ning budhi. -/- ya manah. Sari ning manah. Ya {2a}taranggaóa.
Ya lintang, panunggalnya maring luhur ring ñali ning hati putih, yan mêtu ring jaba sarira, wahya ning budi mata, wayaning ñali, ya pangrêngö, wahyaning bayu, ya sabda, sangkan mêtu ring cangkêm, wayaning angin, ya pangambung, ya sangkan rumawak gaódha mêtu ring hirung, panunggaling raûa, ring pangrêngö, saking rasa lêga, panunggalnyà -/- ya maka katiking tuñjung putih, sangka panêlasing raûa, panêlasing {2b} hurip, panêlasing atmà, patinggaling ðéwà, saking ñali putih, ring sari ning tuñjung putih.
Ya tuñjung putih sari ning awakta, sangkaning sùryya sasangka, yangkên tapakan huriptà, mwah tapakan atmanta, tranggaóa, lintang, yangkên payung huripta mwah payung atman tan andungkap lêwih maring téjomaya, -/- swargga nira bhaþàra {3a}anungkurat, ya tabêtakna pawisik ingsun lawan ing sira, dùlurên ring buddhi mahogya, hayo katåûóan, tujunên sadhyanta mayogya. Yan wus kasuk dé nira bwanàgung, parê pamêtu ning sùryya mwang ungguh ing hulan, lintang trangganà, apan tan lén bwanàgung lawan bhwanàlit.
Yan sirarûa wruh patinggalaning atma sah saking raga, amåttha pramana, yàta yatna -/-akêna dén rêgêp haywà mingé, sah ira ring kuódi sphattika, sah ira sanghyang {3b} amåtthà pramana saking mawindu komala.
Windu komala, nga, sunyà ning antakayala ingiring déning daúa pranawa, ungguh ira ring sàrwwa sandi ning sarira. Yan wus têlas pwa sah saking sarira panujuning sanghyang amåttha pramanà, miúrà maring lyanging apadhang, sanghyang atma anuju pwa sira ring pañca -/- paramàrtha.
{4a} Pañca paramàrtha, nga, ungguh ira raditya hulan, lintang tranggaóa, ring sor pisan, ungguh ing bayu maódala, ring luhur irà pisan acintya sunya nirmala, nora lêwih sakérika, sapanuju nira wênang.
Yan sira anuju ungguh sanghyang raditya, ya ta swargga nira sang sura ring tapa. Yan sira mahyun anuju, ungguh ira sanghyang hulan, ya ta swargga nira sang sura ring raóa, -/- yan sira manuju ungguh ing sangghyang lintang, maring téjomanta, yan wus {4b} karaûa pwa dé nira piyak bobokong ira, yan wus tan paraûa talampakan sukunta, mwah raûa ning tud irà pasah mwah raûa ning paglangan suku niraha raûa palas, sasor ring nabi nira maraúa mamatu, kakàs saranduning carmma nira, posêk pwa raûa ning hati, kadi angarêpakên agni sêdhêng pralaya, ya -/- ta marangmukha ngaranya, sira dén rêgêp {5a} kasunyaning manah irà.
Ya apra ngàranya, yan sira pwa mênang sakéng rikà, ya ta swargga nira sang suta subraþà, yan sira pwa nuju ring ungguh ing sanghyang tranggaóà, ya ta swargga nira sang putusing haji mwah sàrwwaji, mangkana panêmu nirà. Yan sira wikana ring pati ng waluya, duk lagi ahurip, yan tan wruha mangkana, anotah pwa pati nira, iti kalêpasan haja wéra -/- liwat piningit dé ra sang dwija, bwat upadrawa.
{5b} Iti kalêpasan, ya têka pwa ring samaya ning pati, haja pêjah ring pangrasa pusuh-pusuh, mangkana pwa kalêpasan, utama dahat, haywa cawuh bwat upadrawa.
Yan sira mahyun pwa siddhi ning yogya, apêningan pwa sira sêpiyaknà angênta, mari dénya ngwéûa. Ngwéûa, nga, angênêngakên pangrêngênta, angênênga -/- kên {6a}sabdanta, liyêpakên tinghal ta, haywa kêdap, koñcinên bayunta, simpênakna ri têlênging idhêp, haywa limbak.
Yan wus hêning pwa idhêpta, tan katon saraganta, mwah ungguh ta, tan sasàr pwa têmu nirà, ya manggêh pwa sira, blah pwa raûa ning pañcahitan sirah ira têka ning gidat
ira, cunguh ira têka ning ðaða nirà, trus ni gigir ira, ya mbolong pwa babahan tiga, -/- {6b} ring udêr-udêran, ring sunya ning rah iku, nga, marggà ning lêwih. Yan wus karaûa mangkanà, bidêlên pwa palêt-lêtan ira, tujukna ri pwa sunya ning babahan ring udêr udêrà, ya ika paran sanghyang atma sah saking kamala ràtnà. Malaràtna, nga, hyang pritiwi. Anom ing rupa, jiwa ning rupa, mulih maring sanghyang akàsa, rasanta doning bahunah, mulih maring sanghyang pritiwi, bayunta -/- hunah, mulih maring sangkaning {7a} angin, upamaning surud ta, lwir ; panglong, duk ing ananta, kadi panànggal. Panànggal, tan urung purónama, panglong tan urung tilêm, mangkanà pwa tingkah ing sarirà, doning déné wruha uga réh ing apasarira kala ning lagi ahurip, didiné, sira wruhas, padatuóa, turu tan énak, pajalan tunà, raûa tan kadhi duk ing papangkas, pundi -/- laku {7b} ning atilar.
Rupa duk ing papangkas, iku pwà hawasên dén kawruhanà, waja doning ical saking tutuk, jiwa ning wajà mulih maring dora, soca nira doning tan mawas, jiwa ning sanghyang cakûu mulih ring sanghyang manon, laku nira tunà, mulih pwa ring tananà, jiwa ning sukunta, dwaning purusta tan makas, jiwa ning purusta mulih ring sang panêmunta. Iki utama dahat, haja cahuh, raha -/- sya dé nira sang putus ing yoggà, dåwya {8a} nira sang bhujangga siddha humokûah, piningit ring sùkûmàha jñana nirà, tan sipi mulé ne nira sang putus ing sadya.
Manih hana sadya nira sang putus ing pandhità, ring kajatining lêkas ning têngêran, ring susud ning huripta, hana pwa têngêraning jro raûanta, iki lwirnya : dwaning rupa katon aturu, wajà ical, soca tan padas, purusta manakataning ngràt pwak katon dé nira -/- anarawang pwa katon asudha tan patalêtêh, kadi pwa dipta ning mêkà, ya {8b}cintyàsunya, nga.
Ring têlêngnya hana pwa katon kadi hulan pùrónamà mawêlu, apadhang sunya nirmala, ya pramaúiwa, nga, ya pwa katon samangkanà, hawas pwa dé nira kaóda pitu ning bhuwana, muwah kaóda ning swargga, mwah ðéwa déwinya, ya ta yoga jàti, nga, liwat pwa pamanggih irà, tan kataman pwa sira hila-hila -/- mwah sang kala liwat ing {9a} swargga, cawuh, bwat upadrawà. Mulé hargganya. Harang sang paódita angwikani, yan tan sang putusing samadhi.
Malih yan sira arêp, ayoga wiúéûa, angandapakên salwiring hila-hila mwah sàrwwa ujwala, salwiring galak, salwiring wisya, ri yuga nirà anêmuhakên tri sakti. Tri
sakti, nga, bhàyu sabda idhêp kasimpên maring unggwàning tayà, taya, sanghyang nirakling, -/-. Nirakling, nga, amåtthà suddha, irika pwa pamàti ning sàrwa hala, sarwwa {9b} krodha, sarwwa wiûya, sarwwa ujwala, yan pwa usah énak dé nira mayoga, tibakna taya nira saking gênah ing jwala, gênah ing galak, gênah ing wiúya, gênah ing hila-hila, sangkaning jwala, sangkaning hila-hila, sangkaning krodha, sangkaning wiûya, simpên ring gênah ing taya. Sangkaning taya, nga, ring swasuci ning hatinta, ya ungguh ing taya, ya lêbur dé ni -/- ra.
{10a} Apan guru ning hila-hila, guru ning jwala hiya, guru ning balabar hiya, guru ning krodha hiya, guru ning wiûya hiya, ya sakaning angwiúéûa. Iti yoga wiúéûa, nga. panglutùrakên sàrwwa jwala, sarwwa krodha, sarwwa wiûya, sarwwa balabar, sarwwa hila-hila, sarwwa ahéng, liwat utama, rahasya têmên. Dé nira sang nipuna labda, apan larangàn ira, sang bhujangga bhrahmaóà, putu -/- sing yoga, arang sang paódita {10b}ngwikani, agöng hàrgganya yan tan adulur bhakti.
Yan sira wruh sangkaning patinta, saking jro pupusuh, sangkan ta atinggal, sanghyang jiwa pramanànta, doning sah pwa saking rikà, sah ing raganta pwa hus asat, cah, nga. Gêtih, pwa saranduning awak dadi bhayu prahara, pangisêpnya maring mulakàóþa, sangkan tan katon patilar ing gêtih, apan dadi ku -/- kus mayà miúra ring {11a} norà.
Garaning wong mati agring, tananà agêtih, doning harang angawruhi, yan sira pwa wus angraûa ring patilar ing hurip, cidra pwa laku nira larad mwah sangkaning laradnya, patinggalnya saking hulu puhun, ikang jiwa pramaóa, ya ta miduhur paranya, têka pwa ring nabhistanà, ri kapa ujwala tikûóa ning sanghyang suryya angêbêki salwàning angganta, -/- dahat tikûóanya.
{11b} Yan wus samangkana karaûa dé nira, panggêngên pwa saraûa ning laranta, haja pwa mêngakna babahan sanghyang muni, yan wus langgêng pwa dé nirà, amêkêk saraûa ning larà, sakéh ing papa naraka ning awakta sapuróna pwa dé nira amênêngi, winalêsan pwa déning tis sanghyang amåtta kundalini mêtu saking kunda manik, nga, kuciting gulunta, ya aniram satikûóa ning sanghyang suryya, yan wus samangkana -/- pulung {12a} pwa huripta lawan atmanta, mêsat anuju babahan ira apadhang, saking kocakapalà.
Kocakapalà, nga, udêraning sirah, anungkap pwa sira swargga nira sang wus pêgat ing rat, tan pawali añjanma malih. Iti palaning yoga jàti. Tananà malih lêwih
sakériki, rahaûya dahat, mulé déning bhujanggà nguni, bwat upadrawà, haywa wéra, yandyan hala pati nira, tan urung swarggà, lamu -/- n kala ning ahurip sira wruh, mulà {12b} sangkaning patinta, doh yan sira amanggiha naraka.-

Iki Pawarah ning Pawisik, paúcat tinular duk dina, Wrêhaspati Pon Kuningan, tanggal maséhi, 31 Oktobér 2013, dé sang anama IB. Heri Juniawan, Jln. RM. Pandji Anom, GG, Bhima, No. 04, Pagutan Timur. Kûamakna ngwang mùdhalpa úàstra.

Leave a comment

Filed under Articles

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s