BRAHMANA WANGSA TATWA


Iti Brahmà Wangúa Tatwa, ngaranya,
Ri tatkala Bhathara Brahmà masangyoggha santi, amrêddihakên putro, winaya bhùmi maka wênang dadi bùh palakaning jaggat, maka wênang ndamêl masarira Sanghyang Aûþàka Widdhi, aparan lwirnya. Sanghyang Sastra Sarodrêûþi dadi guru wìúéûa panênggêking rat kabéh. Rwa sanak inangên-angên dén Bhathara Brahmà, amrêddi putra padha sakti, sangkayan mijil saking angga pradhan Bhaþharà Brahma.
Mangkana inarcchàna dé bhathara, dadi ta mayogga Bhathara Brahma ring argga ning giri rêngga sayana, antyanta gêng aluhur, tungtungnya têka ring akaûa, irika bhathara masangyoggha angrêgêp angragayang jagat, mawak siwa mùrttì, kadi giri himawan gêngnya, trinayana ñatùr bujà, sahananing déwatta masarira kabéh. Têlas sésining jagat wawé dé -/- nira, suryya candré nétranya, bhayu bajrà pinaka téjà ning 1a. awaknya.
Hana hyun Bhathara Brahma amrêdihakên wangúa, maputro brahmaóa sakti, maka wênang mratiûþa jagat, mijil ikang kukus ring urddhà ning raga nira, mahor agni murub saguóung tiba ring têlaga ddoja matêmahan kuódi maóik méúì mrêttha kamandalu, pinrayogga dé bhatharà matêmahan ONG ngkara saódi.
Malih pinraûtiûþa dé Bhathara Brahma mijil wong raré mêné hana mijil, héñjang héñjing luhur, brahmaóa rupa, maparab Bhathara Dwijéndra. Mwah Bhathara Brahma
amrêdi putra laki sakti, mayogga ta bhathara, mijil agni ring tangan, tiba ring têlaga doja, hinastukara matêmahan amrêta sañjiwaói, winadhahan kuódi sphatikà. Mwah pinrastiûþa ring bhathara mijil wong ra -/- ré lakibi saking dyun maóik, mêné mijil éñjang luhur, 1b.luwih susakti, lumaku tan anampakûiþi, Brahma Wiûóu Iúwara ñanma, kaparab dé bhathara mawangúa satriyà, apan tri sang maragga asanak lawan Bhathara Dwijéndra.
Sang maraga satriyà ingaranan Bhagawàn Ratnabumi, samà saktinya, samplah rupa nira kadi rùpa Bhathara Brahmà, mawwang sanak, satriyà sadulur lawan brahmàóa, paras paros tan bhina karma. Mangkanà drêûþi nira Bhathara Brahma, ngarcchàna wong utama wangúa, sampun kadhasawarûa laminya, ucapên Hyang Dwijéndra
Ri sêdêng ginunitta ring brahmaloka, tan pasah làwan antên ira Úrì Ratnabumi, marêk ring jêng Bhathara Brahma Wiûóu Iúwara, hinastwakên dé bhathara, padha rumakûa jagat, rakûa rumakûa bhathara rwa sanak, padha kanugrahan amratiûþa bumi, sang -/- brahmaóa lawan sang satriyà, kanugrahan dé Bhathara Guru salwiring sastra sarodrêûþi, manggêh angamêl jagat.
2a. Sanghyang Pùwwadiggamà, siwa sasaóà, wrêti sasana, brati sasana, rêûi sasana, brahma pùrwwana tatwa, brahma pùrwwangúa, kutaramanawa, bramokta, slokantara, pùrwwa tatwa, makwéh yan ucapên pidartanya, samapta wruh ring kawyañana sàrwwa wéda mantra pujà puju salwiring pinujà sakti wruh ring idhêp sàrwwa jagat. Padha lumaku tan anampakûiti, ling sang Brahma ring tanaya nira kalih siki.
Kinwan Hyang Dwijéndra juga mratiûþa bumi, Hyang Ratnabumi kinwan rumakûa jagat, samangkanà niti Bhathara Brahma, tan sinanggan wacana bhathara, pisan sadulur samapta nugraha bhathara, padha rumakûa jagat, padha mratiûþa bumi, maraga Sanghyang ékabwan, tu -/- nggal raûa ning gumi, tunggal panas tis ing jagat, tunggal nayà, tan 2b.byapara jagat.
Pinisinggih dé Bhathara Brahma, ingaranan sang wiku rajakrêtha, Bhagawàn Dwijéndra, Hyang Ratnabumi ingaranan Bhagawàn Indraloka, padha sinung anugraha amuja-muja parikramà ning pinuja. Ri kalà sang rwa sanak jumênêng ring Jambudipa Kling, sira sang kalih siki amratiûþa wwang mati urip, lakûana katon dé nira sang wiku rajakrêtha sàrwwa atma angucap-ucap ring sang guru úiwa wiúéûa, padha sakti mawanan hyun, sidhi wakya kadi laódhêp ing bhajra landêp tutuknya, asing sakêcap hana mangké.
Hana hyun Bhathara Dwijéndra amrêdi putra sakti rwang siki, dharma pawitra,
sàrwwa rum, dharma ring kaparamarthan, mapaulah ring akasa. Mwah mrêddhi putra, dharma sakti asih sàrwwa bhutha, mapaulah -/- ring sor, mangkanà hyun Bhathara 3a.Dwijéndra. Dumarana homa widdhi sakti, mayogga Bhathara Dwijéndra, kaddi Bhathara Úiwa, Ñatur Buja, mijil Sanghyang ONG Ngkara saking akaûa manglayang úwara nira kadi gênta pinutêr tiba ring ngarêp Bhathara Dwijéndra matêmahan wiódu wiódu matêmahan kundi maóik mayà-maya, méúi mrêttha kamaódalu, pinraûtiûþa dé Bhathara Dwijéndra, pinasangakên ikang yoga kama mrêtti, kinêkês ring dyun kanaka, pinasang huti wédya suci ttarpana, saha dupa dipa, gandakûata gulgula, mrik ambê ning homa, tasak dé nira mayogga santi, mijil ikang agni saking dyun kuóda.
Ri têlas ikang urubhbing agni matêmahan toya rum, sakûanà mijil wong raré mangucap bapa ibu, wruh lumaku mijil saking dyun maóik, tan hana kapanggih wwang, héñjang héñjing luwur, wruh mangaji, mawarah ring arinya; ih a -/- rin ingsun 3b. lumakwa lungà matapa ring giri rêngga ratnamayà, mangdé siddha kapanggih sang gumawé kakà ari mangkanà ling sang kaka.
Sang antên tar wihang ring adña sang kaka. Gêlis padha lumaku, datêng ring bungkahing giri, madumpili gênah matapa sira. Ling sang kaka; ngastawa bhathara akaûà tan katamanan lêmêh, ling sang ari; rantên atapa ring pritiwi, ring sor, samapta kahyun, agé munggah ring arga ning giri irikà mayoga.
Ring sor i yari mayogga, malawas ta sira atapà ring pucak ing giri, tan pamangan tan panginum, arig ikang angga, kéwalà mahara bayu. Sang ari matapa ri sor sakkarûa né ring pangan kinùm, malêmu ta angganya makiris. Dadi ta mawêlas bhatharà kaki Hyang Brahmà. Mwah Hyang Dwijéndra tumurun waranugraha ring putu nira, sakûanà miji -/- l 4a. Hyang Brahmà, sinaputan ta lêngkara téjà, hana wakya bhathara;
É hi putun hulun sang rwang sanak, bagya ta sirà matapa, kaki mawêlas nugrahé putun ku rwa, wastu amanggih kaparamartha dadi guru loka ning jagat sakti tar padha, dadi urip ing jagat, sira utamà ning wangúa catùr jadma, pinaka uluning gumi, réh putun ku mayàúa ring giri pinaka arggà, kaki amarab putun ku Sang Gagak Aking harana putun ku, wêdi ring sàrwwa lêmêh. Mangkanà ling Bhathara Brahmà.
Mwah Bhathara Brahmà nugraha ring putun ira matapaa ring bungkahing giri, mawacana ta bhathara; é ih putun ku sang ngawangun tapa, kaúcaryyankwa ring puyut ku ring para tapanta, tan pinggingan ring sàrwwahara, cok bhakûa putun ku, sakti tar padha,
sàrwwa bhutha wêdi, winastu putun ku dadi mratiûþa gumi, mwah kaki amarab putun ku maka ngaran Bukbukûah -/- réh sira cok bhakûa.
4b. Mwah wangúan putun ku Sang Gagak Aking, winastwa wangúa brahmaóà úiwa, mwah Sang Bukbukûah, winastwa brahmaóa wangúa Budha, pada dadi siwan jagat, wêtu ning pawit hana brahmaóa wangúa siwa, budha ring jagat Kling Majapahit. Tan ucapên katha pidhartha mwah.
Ucapên Bhagawan Ratnabhùmi, mangké maparab Bhagawan Indraloka, Bhagawan Walkayana guru purohita nira, watêk brahmaóa åûi, padha sakti. Hana citan bhagawàn Indraloka, amrêdihakên putra sakti, laki sulakûana, wira. Lakûana dhira tan murud ring sàrwwa satru, prajñan ring naya wiwékà, anênggê jagat.
Mayoga Bhagawàn Indraloka makulilingan ring jagat, cakra rinêgêpnya, nguñcarakêna wéda mantra, dadi ta hana wakya ring àkaûa; é i anaku Sang Indraloka lumêkasakêna -/- cakranta, tibakêna ring giri silasayan. Mangkana wakya akaûa. 5a.Pinanah ikang giri, giri mijil agni, agni matêmahan tirtha, tirtha dadi maóik tigà waróna, abang kadi sùryya wawu mijil, krêûóa waróna, swéta waróna.
Pinraûþiûþa dé Sanghyang ONG kara, dadi raré, Sanghyang Tiga maraga sawiji, Brahma Wiûóu Iúwara, mêné mijil éñjang luhur wruh apapalayon, masurat cakratala bhédhananing tangan, ingaranan wangúa satriya kula. Punika ngamijilan dalêm pangulu ring Majàpahit. Kalané hana satriya wangúa têkaning mangké.
Ri wijil putro sawiji saking homa, sira kinwan rumakûa gumi salwaning Barathàwarûa, mangkana pawitaning hana wangúà brahmaóa wangúa satriya wangúa, prasiddhà kasanakang olih Bhathara Brahma, satriyà lawan brahmàóa -/- padha wênang 5b. kanugrahan manditanin, padha amujà wênang sang satriya lawan brahmaóa. Sang satriya wênang angêntas wwang mati ring madhyapadha, mangkanà ling bhathara nugraha, makadinya Bhathara Brahma, Bhathara Dwijéndra.
Pawitaning brahmaóa satriyà têkaning mangké, haywa sang wruhing kapanditan winihangakên sakadi ling sastra iti. Mwah sang dipa ning bwana anutakên ling sastra iki. Yan tan anut mapwara wigna sang mawa gumi.
Mwah padharttha ning wangúa brahmaóa tan hana têka ning mangké, lwirnya sang mijil , ring lwang, ring krêpa, ika tan hana. Wangúanya têrus têkaning mangké, mijil saking téjà, anama trêh têkaning mangké ring gumi Bali, maparab Jayapùróa, tan limbhak kadhang brahmaóa ikà, kéwala hana nugrahan Bhathara Brahma sastra maka parimana wangúa brahmaóà utama. Sura tunggul wangúa mangkana katatwanya.
Mwah tata -/- kramaning satriya mét brahmàói maka strinya, yan kawêkasan kari 6a. satriya ika manak gumanak manih polih ngalap brahmana ping lima mulih dadi brahmana wangúa, pradana puruûa wênang ngaba wangúa sor singgih, kadi pritiwi munggah dadi prasadhà, mangkana ilang malanya.
Yan brahmana mét istri satriyà, manak gumanak, ping , 7, satriya wangúa manih, têdas kabrahmaóanya, mangkana ling nitisastra. Brahma Wangúa Tatwa. Yan hana wangúà brahmàóa walakà, kadol, tinuku olih sudra, wêkasan mati sang nganuku, sudra ikà, tur tan pasantanà, sang katuku brahmàóà ika, kumàlili réh amiúéûa kakarén sudra ika sami, tan misinggih samêton kalian rawosang guru wiúéûa, kêdêh maprih kasukan, patita wangúa, nga, brahmaóa ikà, têka wênang pêgatin masasana, tunggal basa -/- parikramà, 6b. santanu putra sudra wang ika.
Haywa andadi brahmana mwah dé sang ratu, sapratisantana nira wêkasan, yan anggénin pawitran gumi sanga ikang rat, mangkana palanya. Malih tata kramàning wiku, céda kalokéng rat, lwirnya céda tan katon ; loba moha mùrka, matsarya. Cédangga katon ; mala, kuûþa, ilà, kucihangga, gondong, képék, déyog rumpuh, tan wênang mratiûþa sawa, palanya tan kaparisuddhà lêtuh ning atma.
Manih hinênggah patita walaka, bot layaran, wanija karma, mamañjak ring pandé mas, undagi, jagal, ring wang amdêl, mamañjak ring amorong tangan, mangkana patita walakà ngaranya.

ONG Awighnam astu nama siddham.
Iti Sastra Pùrwwana Tatwa, nga. tata ning wiku. -/- Mawyawarikêm, mwah 7a.cihnaning wyakti brahma wangúa, ndyà, parimaóanya, sangkayan kina-kinahanan dang úiwopakaraóà, amujà-muja angêntas atma ning mati, sang mawangúa satriya kula, têka ning asiûya-siûya wong akéh, tùr kuna-kuna polih ngalap.
Sang mawangúa catùr jadma, maka patninya têka ning mangké, ri kala dadi baûmakarà, maguru úiwa ring brahmaóa utama, saking kuna mratista jagat, têka ning baûa ning wwang parikramà ning brahmaóà, yadyan tan pakadhang manuûa wangûà lumrah ring jagat, maka wit brahmaóa. Mun hana angêmit sastra pawit tika brahmanan munggwàréka, pinakàwat tang dénya, tur sampun mitangguh sakadi ling sastra ikà, tuhu brahmaóà wangúa sirà.
Haywa sang prajàdipaning sarat, amarimadha yan hana wangúa brahmana samangkana, apan makwéh yoga nira Bhathara Dwijéndra, kamiji -/- laning brahmana 7b. mêtu saking angga pradhanan bhathara. Hana mijil saking wimbhan Bhathara Brahma, mwa ri udhaka ring watu.
Nihan tingkahing brahmaóa walakà, anguman-uman sang paódita, angucap malà anióda wangúa dudu brahmanà, mangkana panglakûanan sama ngwaddi, nanging sangkayan angrêkwa-rêkwa, saking warah-warahan wwang duradéûa, wyawahara tuntun, nga. yan hana walakà mangkanà kinwan anêkakên wang angùcap mangkana, maka cihna sayàkþinya olih angrêkwa-rêkwa sang mawarah ring sirà, yan têka dénya ring pasamwan pawyawahara, tuhu jati sadu, tan anggawé nggawé ikà, yan kantêka dénya kadi pakûi tumraping pangaking walaka ikà, wênang tibanana dhaóda bwat mati akêti nêm daûa, wijinan swang sadulurnya, yan tan sida katawur dénya, têka wênang adol ring jawi, pawêdinya wéhakêna ring sang -/- wiku tinióda. Mangkanà kramaning dhaóda ring 8a.sasana kritha.
Mwah sang wiku cinédha, yan hana anaknya mwah wwang pinaritrana nira kabéh, têka wênang matangguh padéwa sakûi ring widhi, mitangguh mboyahin sakadi pangwadi ikà, ring sang wiku ikà. Mwah sang wiku katibéng warikêm, têka wênang aprayaúcita ring wanadrì, satawun ngilangang cuntakàn raga salwiring ujar halà, mangkanà.
Mwah wangúa Brahmanà satriyà, mula-mula rumakûa kahulà, yan wangúa brahmaóa mula-mula ngamél kahula, hulanya maúiwa ring brahmanà ikà maka palinggih maka cirri wyakti brahmaóà, wêkasan hana kahulan brahmaóà ikà élik ring ngati ring siwanya. Hana wrêtta ing api dé nirà saking wwang duradéûà, ngupawadda wangúa dudu wit brahmanà, kabyayà ring pupulaning wang akwéh, olih kahula -/- ikà, bwat doûanya 8b. têka wênang gêþos gênahang ring gumi doh, talénin antuk upadrawa ning cor, kêni sampunên sira manih mawarah-warah wrêtta mracéda wangúà brahmaóà, yadyan satriyà.
Yadyan paténên wang ika wênang, réh jadma kahulan sang upawadda, karaning wênang paténên dé nira sang amawa gumi, réh sira irûya solahé bwat ring guûþi anggon siwa, mangkana kajaring ngaji munggwing sastra Brahma Wangúa Tatwa. Yan pandita siwanya, kahupàwadha olih sudra, dudu brahmaóà saking wrêtta, wênang paténên wang sudra ikà.
Mwah tata kramaning wyakti mawangúa brahmaóà, hana parimananya munggwing sastra kuna-kuna, katama dé sang wiku têkaning mangké, ndyà maka parimana ginamêlnya, sangkayan kina-kinahanan dang siwopakaraóà, amujà-muja angêntas wwang mati, sang mawangúa satriyà wéûya -/- têkaning asisyan-sisyan wong 9a. akwéh, tur sangkayan kunà-kuna polih ngalap istri sang mawangúa catùr jadma, maka strinya padha sira masantanu rawuhing mangké, sangkayan kunà-kuna maóditanin maguru siwa ring wiku utamà, saking kuna-kuna mratiûþa jagat mwang ratu, salwiring krama brahmaóa nandang ira têkaning kapatyan irà lêmbwatana nira, yadyan tan pakadhang makawit brahmaóa makwéh lumrah ring jagat.
Mun hana nggamêl indik puruûà wangúa kabrahmanànya munggwing sastra, nga, pinakàwatang dénya pitindih pitangguh sakadi indik ling sastra iki, tuhu brahmaóna wangúa sirà haywa sang ratu rumakûaa jagat, ngupawadha yan hanà brahmaóna ikà, ila-ilà ikang sang ratu, apan makwéh kamijilaning wangúa brahmana. Mêtu saking anggan bhatharà, hana mêtu saking téjan Bhathara Brahma, hana mêtu ring udhaka -/- , padha 9b. utamà wangúa ring kabrahmaóan, hana mêtu ring watu hana mijil ring wuluh, hana mijil ring yoga, hana mijil ring téjan Bhathara Brahma.
Yan wangúan brahmaóa mijil saking téjà hana têrus têka ning mangké, yan hanà déûa kahunggwan brahmaóà wangúa ikà, mun awit déûà ruûak katadhah kalà, pinangan antuk I Bhutha Mayàpati, kawêkasan hana tumuwuh brahmaóà sakti ngamatyang I Kalamayapati, mwah urip déûà ika, têka ning mangké irika kàgênahan brahmaóà wangúan Bhathara Brahma, utamaning brahmaóà ikà.
Haywa sang buh palakàning sarat, tumingkêbing akaûa, salwaning baratawarûà. Yan hana brahmaóà satrêh wangúa ikà, ri kala gumi nira sang ratu katibéng kali sangàra, haywa lyàn winéh manggala amujawali karmmaning gumin sang ratu, sira juga pintanên amratiûþa -/- gumi, palanya mukûah malaning jagat sang ratu amanggih dirggayuûà, 10a.déwa asih sàrwa bhutha mararêm palanya, mangkanà ling Bhathara Brahma munggwing Aji Brahma Purwwana Tatwa.
Mwah tuwuhing gumi mulih laré, duk wawu makulês badhawangnala. Mwah Sanghyang Anantaboga mulih laré, bawur ikang jagat, sudra amadha-madha panganggén sang ratu, wulakà pramadha ring sang wiku, angapé-apé wangúan sang wiku, aninda ngupawada nora brahmana pùrwwa. Yan hana wiku sisu paling, makwéh mala ning wiku tumbuh, sang wiku pakantênya sadhu rihéng ring jêro duûþa, lobha mowa, ìrûya, sang ratu amêsêh-mêsêh lawan padha ratu.
Yan hana wangúa brahmaóà wit mijil saking téjà, brahmaóà ikà puponên, pintênên manggala mratiûþanên sanggar ring jagat, mwah gring anggirih udug gring kamalan, kêni gring cuki -/- l daki gumin sang ratu, mahabarà ila gring ikang jagat, 10b.palanya ruûak ikang bwana, sang sadhaka ûàlwiring wéda tan mandi, usadhi tan mandi déwa malàlalalis mùr, sàrwwa bhutha bumi lumarap, asilumàn ring manuûà, têka wênang sang ratu amingit angga sarira, tan kênéng lêtuh, tan winéh wang jadma cuntakà maparêk ring sang ratu, palanya kalindungan déning mala ilà darwwa ngaran, têka wênang sang ratù asuryya séwanà ri kala pùrnama tilêm, mangkanà nugrahan Bhathara Brahma ring sang ratu. Nyan Pùrwwana Wangúa Tatwa, saking niti Bhathara Dwijéndra, tata kramaning wangúa brahmaóà, wênang pitindih dé nira sang àmawa gumi.
Yan hana wangúa brahmaóa pêgat pakàdangan puruûà, mula-mulà wyakti Brahmanà, hana cirinya; asiûyan wang akwéh, tùr angamêl kahulà, tan pêgat manditanin, anut ring ga -/- ma brahmanà, amujà-mujà ring kahyangan sang ratu, amujà satriya asing 11a. upakarà mati urip. Mwah amujà kapatyan sang ratu managabaóda. Yan sampun hana maciri samangkanà wyakti mulà puruûa brahmanà.
Wêkasan hanà sudra kahulà brahmaóà ika élik ring pasiwanya mulà, ngucapang kabrahmanàn siwanya, dudu brahmaóa, saking wrêtta wang duradéûà, kabyayà ring pasasañjan wwang akwéh, ngawé kapatyaning wangúa siwanya, mangdé tan sêla hyun sang amawàbumi. Mwah wwang sajagat kumêñêting ngati latahan, gumawé hurung sajadma mapawitra ring brahmàna ikà, mangkanà pakna nayà ing sudra élik.
Manih hana anglañjubing rawos sudra pramada ikà, nêhêrang saking jati mitatas kawangúan brahmaóa ikà, sira ñanggêmin ha -/- la bhayanya, kala né sudra ikà lakûana 11b. purun malakûana sapunikà, wêkasan yan hana sawangúanya, ngawarah-warahang cédangganing wangúa brahmana lêwih pandita, yan purun brahmana sang inanggêh cédangga masakûi ring Hyang Tri Déwata, sudra ikà pinatyan, yadyan nora adéwasakûi brahmaóà ika. Réh brahmana ikà madrêwé kawulà né wang ika, tùr sira maúiwa. Wacin angungkuli méru, nga.
Yanora pinatén dé nira sang amawabumi, kêna sodha sang rumakûa gumi, wênang paténakêna wang mangkana, tan wênang arêpang sang brahmaóa lawan sang mawangúa sudra, dyastu nora rinéñca olih brahmanà. Mun sudra jadma ngupawada brahmana, mawarah kapatya ning wangúan sang brahmaóà, têka wênang paténên sudra ikà.

Iti Widi Sà -/- stra saking niti Padanda Wawu Rawuh, katama antuk wangúa brahmaóà 12a. mijil saking téja. Aparan lwir wacanan Bhtahara munggwing sastra, ling Bhathara ;
Udùh tanayan mami brahma wangúa kabéh, tumuwuh ring janaloka kabéh, rêngê pawarah mami dén pahénak, munggwing Sanghyang Citrakàra. Sakramaning dadi wiku ring nagarà, dadi guru lokan gumi, pawitran ratu mahabalà, haywa tàn yatna ring niti dharma kapaóditan damêl dén apagêh, ring tatkala ning kali sangàra gumi, éwêh ikang rat, gring makwéh tan pêgat, pêrang sumêlur, sasab maraóa sabumi, asing tinandur ruûak pinanganing tikus, corah dùûþa tan pêgat waywahara sari-sari, iwêr ikang gumi, salwiring wéda mantra japà tan mandi, mùr Sanghyang Saraswati, yan katêkaning hanà samangkanà hala ning jaga -/- têka wênang sang pandita mwang sang ratu andéwaúraya 12b. ring hyang hyang sang né wênang mulà sasêmbahan brahmaóà, sasêmbahan ratu, ri kala pùrnàma tilêm.
Mwah asùryà séwana ngabakti ring Bhathara Sùryyà Bhaûkarà. Mwah mayaúa makrêtti dharma rahayu, haja angùlah mabawa wiku, putusakêñ jati sukûma ning wiku, mangdé tan sangar tikang rat kabéh, yan wiwikwan solah juga, tatan têrus putus kadyatmikan, wiku wiruda, nga.
Wiku ika angadhakakên sanghar ikang gumi, yadyan sang ratu tan mayaúa kramaning ratu, pati purug-purugin, yatika mangdé sanghar ikang rat. Hêndi halà nikang
bwana, gring kamaraóàn tan pêgat, asing tinandur ruûak, tikus sabumi anigiting pari, kali maundêngan, ratu amêsêh lawan padha ratu, padha ñorok cinorok, là -/- wan kadhang, 13a. brubah ikang gumi, ambêking wwang bangga bonggan, amadha-madha sang ratu, pramadha ring wiku, paracédha ambarké, arig ikang bwana. Mangkana kadadyaning gumi, mangké têka wênang sang pandita mwah sang ratu, mayaúa patuting aji jumênêng dadi panênggêking jagat.
Mwah sang wiku pawitran sang ratu, hajà ipal-ipal andamêl patuting aji kawikwan, mangdé kayowanan ikang gumi, gawé akêna. Yan sampun putus tata kramaning ratu mwah dharmmaning kapandita, raûa tan hana singsal dénya, lumêkas ta sira sang wiku minahayu gumi, amujà déwa ngastawa widhi, sahana ning hyang uriping jagat, inarcchàna dé sang ratu mwah sang paódita, masadanà utti, añawang déwa sabumi, gêlarakên wéda pangastawa widhi.
Giripati, Brahmastawa, madéwa stawa, Wiûóu astawa, Sambhu astawa, Iswa -/- 13b. rastawa, Mahésora astawa, Rudra astawa, Úiwastawa, Ganastawa, Basuki astawa. Druwarêûi astawa, Bayu astawa, Téjastawa, Brunastawa, Anantaboga stawa, salwiring wédaûþawa gêlarên, tiningkah kadi Pancawalikrama. 5. Pandita amujà, wangunên karyyà déwahara ring hyang, gênahang ring lêbuh kahyangan agung, mapanggungan. 5. Mapasêlang matiti mamah. Kêbo.
Mwah watêking hyasané kasungsung olih manuûà têdunang sami, gawénên palinggih añar gêntên. Mangkana tingkah sang ratu amahyu bumi. Mangkanà wacànan bhathara munggwing sastra. Yanora samangkanà tan sida rahayu ikang gumi.
Iti Iúwara Tatwa, ling Bhathara Iúwara ring déwata kabéh, slokanya ;

ONG Iúwara déwa mùrttinên, tatwa ñanê úruti tatwêm,
sangaro jagat patyanêm, prajadipé tansayukþêm. -/-

14a. Karo tuduh kiténg prajêm, wiku wiruda sangarêm,
jagat wigna karanêm, mukti wigna sarwwa bumyêm.

Uduh tanayan mami déwata kabéh, rêngê pawarah mami dén pahénak, kala né ruûak ikang sàrwwa praja, maharis ikang rat, gring lumarap, tikus anigiting pari, sàrwwa tinandur ruûak, apa karana mangkanà, sang andamêl gumi anglêtuhin jagat, akrama cok bhakûa krama. Mwah sang wiku pawitraning jagat sok mabawa wiku tan têrus putus palakûananya, tan aduh tapa bratha yoga Samadhi, yatikà karana halà ning rat kabéh. Mangkanà ling bhathara.
Nyan unduk catùr wangúa, brahmaóà wangúa, satriya wangúa, wéûya wangúa, sudra wangúa, tingkah angamét istri salah patutnya. Yan sang mawangúa satriyà utamà ratu mabala ratu, ngawinayà catùr wangúà, brahmaóa satriya wéûya, balà. Yañ jamah wangúa brahmaóì -/- katêngêr angàbbhini, brahmaói ikà olih satriyà ratu ikà, doûa 14b.satriyà ikà, wênang tundung dén adoh. Wêkasan manak-anak, laki, satriyà wangúà, nga. wêkasan polih brahmana mwah. Satriyà kabrahmaóan, nga. Wêkasan manak ûatriyà kabrahmaóan ikà, mulih wangúa brahmanà kadi nguni. Sang úatriyà ratu maragà tunggal ring brahmanà walakà, sang satriyà putus tunggal ring sang wiku.
Mwah yan hana brahmana walakàñ jamah stri sang ratu doûanya bwangakêna ring samudra. Mwah yan hana satriyà wangúa tan pawadwa mét istri brahmaóà, bwangakêna ring samudra. Yan satriya tan pawadwa mét istri brahmana. polih nilib tar kêna pinatén. Sampun kasuwén ring duradéûà manak laki, wêkasan sadya polih istri brahmana limang pajênêngan mulih brahmana wangúa.
Mwah yan satriya mét sudra -/- wêkasan maputra ping tiga polih ngalap sudra, 15a. tigang pajênêngan, bucicir, nga. sang gdé. Wangúan, nga. brahmaóà ngalap istri sudra, wêkasan maputra, laki, bujanggà, nga. Bujangga manih ngalap sudra, bujanggya, nga. Sang bujanggya manih ngalap sudra, têlas mawangúa sudra ngaran. nga. bucicir.
Wangúa brahmaóà mét satriya, ping, 3, pajênêngan. Satriyà. Brahmaóà mét wangúa wéûya pinaka strinya, wêkasan maputra laki manih mét istri sudra, wêkasan maputra lanang, brahmaóà bujanggitan, nga. Mwah wangúa brahmaóa malawas tan angwikonin, satriyà sira.
Mwah yan satriya mijil ibu saking panawing, wolih ngalap brahmana istri utamà, tan kêna pinaténan, wêkasan maputra lanang ping pitu polih ngalap wangúa brahmana, brahmana wuluya jati.-
Hana mangké caritanên sang akada -/- ton ring bhùmi Pùrbbha Sasana sang 15b.apùspata Úrì Banorajà, antyanta kawiryyàn ira jumênêng ratù tulya Wiûóuloka kayowananing nagghara nira, parisatsat Bhathara Wiûóu Murtti kasaktén ira, sàrwwa jagat pranatha ri sira, tan hana satru nira, paripùróa ikang jagat dé nira.
Hana pinakà purohita nira, Úrì Bhanoraja maka ngaran Bhagawàn Pùrbbhaúomi, antyanta subagéng rat, parisatsat kadi Bhagawàn Dwépayàna kadibya-cakûuûanya, yan mulih éng úwargga tan patinggal raga. Hana hajña Úrì Bhanoraja mahyun anêlasakên kalêngkaning rat, angarcchana yowana ning gumi tan katamanan wigna bumi nirà, andasakên gring sasab maraóà, samangkana hajña Úrì Aji.
Mangké hana anak nira sumilih ratu mapuûpata Úrì Dharmma Wikramà, antyanta subagéng rat kajana nuragéng saraþ, asing -/- satru úiróa dé nira, mangkana kawiryyan 16a. Úrì Dharmma Wikrama.
Mangké tucapan Úrì Bhanorajà jumênêng baûmakara pudgala krama ring sira Bhagawàn Pùrbhasomi, brahmaóa sangkàn raré, rwa maka purohita nira, úiwa buddhà maka purohita nira, sira sang sadhàka Buddha ngaran Bhagawàn Romacchàóa kadi Sanghyang Tri Puruûà tulya sira, kadi Bhatharà Úiwa Saddaúiwa Paramaúiwà sira sang tiga wiúéûà, tar pahi Sanghyang Brahmà Wiûóù Iúwarà madêg ring jagattraya sira.
Mangké Úrì Bhanorajà puûpata Bhagawàn Dharmàraja, mangké mahyun ta sira manggawé yajña homatraya wiúéûà, anggêsêng malaning gumi, apa lwirnya; traya ingaranan tri, homa ingaranan yoga, sakti, ódyà trì, brahmaóa úiwà buddhà satriya putus, ikà ingaranan homatraya, apan tri sang mayogga, yatna ta sira ddàn karyyà -/- nira, irika 16b. ta ring awañ catuspatha, jabaning carangñcang ngawangun kuódaghni, trikuóda, sanga dhêpa midhêr pañjangnya sawiji-sawiji.
Mwah tùr ddànya sangang dhêpa saha wédya widi widàna saha upakàranya dén jangkêp. Mwah manamwi Sanghyang Uttayanà, kêbo wêdos, lêmbu, banténg, bañak, ithik ûatha ika wyagra, kidhang mañjangan. Mwah maka papanganan agni, samidha utamà; candaóà majagawu. Kêlapa. Mêñan, titibakên têngahing kunda, ri puput upakara sami. Lumêkas sang sadhaka tri, mahoma, magênah ring pantaraning kunda manglinggihin padma bata bang samapta, malungguh ta sira amusti anggrana siwa tiga, mayoga ta sira.
Tan asuwé sakûana mijil kukus saking ragan sang mayoga, mijil agni sakunang saking sarwwa sandi ning raga, sakûana murub dumilah angarab-arab ikang gêni. Ri sêdêng ujwala nikang agni kato -/- n déning wong akwéh, raûa tan kari sang mayoga 17a. labda jiwa, méh gêsêng dé Sanghyang Agni. Sêdêng ujwala nira Sanghyang Agni, katon masulung-sulung sumungsang tiba ring agni, hana irêng kadi mégha sagunung, kadi méga putih suméru gêngnya pasumungsang ring Sanghyang Agni, hana kadi wyagra, hana kadi gajah, hana kadi kuda, hana nglayang kadi pakûi mapupul, hana kadi awun tan pramané kwéhnya, pira warûa kwéhnya tanêna winilang kwéhnya. Mangké méh sumurup Sanghyang Diwangkarà, ita sàrwwa wighna ning jagat prasidha têlas tiba ring kuódagni, kaúrêng déning mantran sang tiga wiúéûa.
Ring puput ikang yajña homà, dadi ta mijil sang mahoma saking jêroning kuódi gêni anuwut kukus, paripùróna kayéng lagi, tan karaûa panas ikang agni, mangké parama tuûþa sàrwwa tumuwuh ring jagat, amuji-muji saktin sang trì, tulya déwàta tumurun. -/-
17b. Ri wus karyyà homa, salwiring laràning manuûa satingkêbing rat, édan buyan sangar udug rumpuh, képék dopang, bêdug, wêgah busung, salwiring lara ning gring, kadi sinapwan tan patamba dadi waras, saktin sang rumakûa jagat, tri sakti úiwa buddhà satriya putus, sira wênang angilangang kléûa ning jagat kabéh, têkaning timira mangké, wus apasang dyut, ahêm para punggawa ratu kabéh , têkéng dhangaúcaryyà kabéh, padha anggêlarakên japa mantra ring tangkilan.
Dadi ta hanà ling sang Bhagawàn Pùrbhaúomi; aduh anak mami sang paóditaji jumênêng baûmakarà, sira maka uriping bwana, anak mami paóditaji mangké, éka wangúa lawan mami, hana pawarah mami sirà, tan bhina sang satriyà lawan brahmàna, tunggal sang gumawé sira, kadi anaku Bhagawan Dharmarajà, sampun malungguh ring patarana ratna, mu -/- nggwing singosana maóin.
18a. Yan hana brahmàna wangúa walaka, wênang anglungsur ring nganak mami, hajña mami mangké nugraha nak mami Bhagawàn Dharmarajà, nandang upakara amuja parikrama brahmàna angêntas atma ning wong mati, sawangúa satriya tumuwuhing baratawarûa.
Yan hana nsadya ngawikonin mwah mapudgala ring brahmàna úiwa, wênang amuja parikrama brahmàna sira, tan hana anglêtuhin gumi, mawêwêh rahayu ning jagat, apan sang tri ya wiúéûa mawak jagat, úiwa Buddha, satriyà sira wênang mratìûþa atma. Nora wênang sang satriya ngêntas, yan masuryyà padha wangúa satriya tan wênang, rug ikang jagat. Mangkana ling sang guru úiwa ring kang anak. Matur kang anak, Bhagawàn Dharmarajà ;
Inggih sang ngadiguru, tan langganà sapawarah sang adiguru, putus waranugraha ring sang tiga wwéh angêntas atma wong mati, siddha rahayu kang pitaran sang ma -/- 18b. mati, tan hana hala ning jagat nira. Yan brahmàóa úiwa buda juga wéh angêntas atmaning wang mati, nora sang satriyà putus tumut mawitranin atma asung tirtha panglêpas atma, rusak ikang jagat, gring sasab maraóna kwéh.
Mwah sàrwwa atma ning wong tan polih dalan rahayu, mangkanà palanya, ling Bhagawàn Pùrbhasomi anugraha satriya wangúa amujà-mujà angêntas wang mati. Mun apudala maúiwa ring brahmàóa paódita, waluya sira maraga brahmàóa, mangkanà kajaring sastra, palanya rahayu ikang gumi, milag salwiring jaramaraóa.
Yan wéûya ahulah kadharmàn, amujà hurip wênang, angêntas wwang mati tan wênang. Yan sudra jadma mahulah dharmmàn, mapudgala ring paódita, tan wênang amujà-mujà wang wanéh, tan wênang angêntas atma, kéwalya déwéknya wênang , tan pêgat pawitranya ring paóditta, haywa winéh wang su -/- dra amujà-mujà salwiring 19.pinuja hala tang rat.
Mwah tata kramaning wiku amuja parikrama angêntas atma ning wong mati, yan wangúa catùr jadma; brahmàna, satriya, wéûya, sudra. Tata kramaning maguru úiwa pujà parikrama, haywa amilihin pasiwan, yan tan cédangga ingucap déning loka, apa lwirnya ; sang wiku atêmu sêmara ring stri walakà saking corah, têmahan ngarbhini, pantên wiku ikà, wênang amalénin paúiwàn. Yan katama gring agung , salwiring malà ring ragan sang wiku, ngawé sangar ikang rat têka wênang si matilar kadi saba.
Mwah yan satriyà ratu wênang amilihin purohita nira, apa lwirnya; prajñan ring ngaji, putus ring naya kapaóditan, tan hana cédangga ring angga dwéûa, hêning kadi ulan pùróama téja nira, mangkanà tingkah sang ratu mét maka purohita ning raga, tan inucap caódala déning loka.
Mwah tata kramaning wwang sudra jadma ma -/- guru úiwa pawitra, mula-mula 19b. pasùryyanya saking kuna-kuna, yadya nis kawikon cédangga katon, apa lwirnya ; képék, rumpuh, salwiring cédangga katon, né tan gring ila agung , asing nora pantên, wênang amuja ngêntas atma ning mati wong nica mwang amuja-muja wong nica wangúa, dudu bwana gung pinrastiûþa nira, tan anêrangin jagat ikà.
Yan hana wiku cédangga katon kagringan, haywa amuja ring paryyangan sang ratu, amuja pañcawalikrama, tawur salwiring puja ring angga sang ratu, kéwala puja karyya nis wangúa sudra, wênang amratiûþa wog sudra jadma, dudu bwana gung pinraûþiûþa nira, apa lwirnya ; kadi Bhathara Nilakanta hana cédhanya irêng kantanya, ndyà inanggêh suci saman hana ngawa lêtuh, Sanghyang Ulan inanggêh suci, kagênahan buron ika cétanya, Sanghyang Tirtta inanggêh suci, kahisingan kahuyuhan déning mina, sàrwwa kusuma -/- inanggêh suci, ingaras olih brahmara. Yaning wangúa catùr jadma, 20a. sang brahmàna inanggêh suci, tan suci sira olihnya anadhah wwé susu ni lêmbu, tan wênang samawak sudra amilihin paúiwan. Mun mula karmma yatika tinuti hayu pinanggih, mangkanà ling ing aji.
Mwah umatùr Bhagawàn Dharmaraja ring guru purohitta nira; singgih sang sinuhun, hana mwah pataña ranak ûang sinuhun, tingkah prabhéda ning wiku makwéh, yatika tinañakên dé ranak ûang paódita. Wênang tan wênang dadi patirttan para ranak sang sinuhun. Mwah amuja ring paryyangan déwa, ring sàrwwa patirtthan jagat, makadinya añawa wédana, angaûþi wédana, êntas-êntasên atman sang mati, mangkanà atùr Bhagawàn Dharmaraja. Ling sang guru úiwa ;
Uduh mas ku ya bapà anak mami, Bhagawàn Dharmaraja, rêngê pawarah mami dén pahénak; tingkahing sang brahmàna ngawikon, salwiring tumirawa bawa -/- n sang 20b. wiku. Yan pratékà hundu kramaning wiku céda kalokéng rat, lwirnya ; wiku pañcer, wiku candanà, wiku pangkon, wiku ambêng, wiku palang pasir, wiku saba ukir, wiku sangara, wiku grahitta. Iti aûþa kawikon.
Mwah hana wênang kabakténanà ring anak mami, wênang dadi patirttan sang ngamàwa bumi, lwirnya ; wiku grêhasta, wiku bikûukà, wiku wanapraûþa, wiku sukla brahmàcari, yatika wiku catùr wênang tirthan jagat.
Mwah pratyakûa kêna swabhawa ning wiku kabéh, yan hana cédangga nira sang wiku katon, salwiring sàrwwangga mala, makadinyà lara ila, kuûþa, salawasé tan waras olih tamba, mwah képék, pérot, rumpuh, gondong, gonténg, sinêngguh salwiring mala dé sang wruh ring ragan sang ñjênêng baûmakara, tan waras olih sàrwwa tamba, wênang marihakên dadi patirttaning jaga -/- t, dùrbalà ikang jagat, bhathara malalis ring gumi 21a. ika mahyang, haywa nggén patìrthan sang ratu, palanya mawêwêh wigna sang ratu. Mwah angêntas atma, palanya tan êntas ikang atma, atma ika mawêwêh naraka, ngamé pratisantananya kanutin antuk dorakala, gring kabaya-baya sang kari, mangkanà palanya.
Wiku ika wéhakên ta dharma, ngawénang awak juga kawaúa, mwah wiku kataman lara, yan sida paripùróna ikang lara, wênang mratiûþa jagat kadi nguni. Yan wiku katama malà ika, yawi ning gring agung nén wênang tambanên, yogya sang wiku ikà amratiûþa raga, adikûa widhi krama, ngadêgang sanggar tawang, kadi upakaraning adudus agung, dulurin manawaratna bumi, yan sida puput samangkanà tan kari anglêtuhin jagat.
Réh sampun mapajàti mapinunàs pangalang lêtuh ring ida padukà Bhathara Úiwaditya, tan anglêtuhin gumi ni -/- ra sang ratu, sang sadhaka ika wênang mayoga 21b. bratta samadi sari-sari, makirtti lêtuhing raga nira, mangdé paripùróa waras, sang yogya mratiûþa karyyà ikà, sang adiguru, siwa wênang angastrénin.
Yan sang satriya wangúa, brahmàóa wiku , katama gring samangkanà, durung ila agung , wênang usadanên wênang kari makrama gênah ring déûanyà, nanghing masêngkêr rong tawun yan liwat sêngkêrnyà, tan waras gring ikà, yan pandita kataman gring mangkanà, gring ila tan kêna tinamban, nga.
Yan kajaring sastra, gring rogga sangara, nga. anglêtuhin gumi, têka wênang kon mawanawasa ring wanadri, anganti waras sarira nira, irika ta sira mantuk ring grêhanyà mwah, samangkanà kajaring sastra, ling Bhagawàn Pùrbhasomi.
Mwah tata krama ning sang watêk paca tanda, sira sang padha karêban waringin, ulah dharma santa susila budi, wruh ring sastra sarodrêûþi, pagê -/- h kadi gugu manic 22a. tan ginggang tan gingsih, bakti né ring sang sinawittakên, mwah angêmit praja maódala nira sang ratu, tan iphal-iphal dumêlingliring, tan kaluban lara lapa, kéwala têlêng pangaûþithi ring wacana sang ratu, yadyan dadi bang abiru munuhun wacanan sang winaya rat, swàrgga kapanggih, kéwantên tindih ring wacana sang sinawitthan, samangkanà bakti nira ring sang ngàmawa bumi.
Mwah haywa sira nganggé né tan wênang anggé, sapanitah patuting aji n wênang linangganàn, réh sira maka lêbuh jêng ira sang ratu, tatan wênang sira amurug wacana ning sastra, mangdé matêmahan wigna, kêna upatti ring widi. Hila ning lungguh ira sang ratu, apulang smara úih larangan wong éka jadma, pinaka stri dé nira, saking karûa padhanya, ila yan mangkanà ikang wwang.
Mwah sang brahmàóa úiwa haywa karmma smara silih alap ring sang mawangúa brahmàna buda, ila krama ikang jagat, usah kasa -/- ktén sang ratu palanya, apan bhina 22b. krama, bina tata lungguh, bawur ikang rat. Mwah wwang manuûà munggwing gumi catùr yuga, catur wangúa, haywa mét makastrì wong kawijilaning éka jadma.
Ndyà ta wwang jaka jadma; stri ning bhogis mula karma, wangúa cihna, ulaóda, ika tan wênang alapên rarangan wang samangkana, réh bina krama. Yadyan tan larangan hala têmên kajaring aji, apan tan tunggal catùr parikrama. Yan hana wong niûþa Madhya utama wangúanya, maka taóda juru dé sang rumakûa jagat, né prasidhà rama tantu, rama punta, rama bawu, padha ngamêl grama-gramaning sang ratu, haywa mahula samangkanà.
Yan hana wwang samangkana sêdêng hinalêm dé sang ratu, mangdé têlasa ngaraning jagat sang ratu, kon asùryyà séwana mangakûama ring padukà Bhathara Sùryyà Tiga Wiúéûa, mwah maprayaúcita ning sarira nira, mangilanga ludakaning sarira. Yan a -/- murug kajaring sastra palanya lungsur kasukan, lungsur kula wangúajà, salah 22a. kramma dùrmmanggalaning gumi hiwêr, pêrang tan surud, ratu amêsêh padha ratu, asanak dadi pasha, mangkanà halaning jagat, yatna kêna dé bujaga aji rumakûa jagat.-
Tucapan Bhagawàn Dharmaraja, mapitutur ring anak nira Úrì Dharmma Wikrama ngaran, sira jumênêng dadi ratu cakra ning jagat, wruh ring sàrwwa wiwéka sukûma ning sàrwwa tatwa, tutus dé nira angrêgêpakên masarira sakti, sastra tan kapinggingan dé nira, sakûat Sanghyang Saraúwati kawyañana nira, yan ring kasaktin tulyà Sanghyang Brahmà. Mwah ikang kadatwan tatar pahi Brahmaloka.
Sàrwwa maóik ratna mulyà pangrêngganing kadatwan, mwah ikang bapra mwang gopura, sphatika maóik inatêpi kañcana sêdêng ta sira mùnggwing paséban, tinangkil dé watêk tanda mantra nira mwah watêk paóditaji, -/- brahmàna wangúa 23b.rawuhing watêk rêûi para tapa makwéh padha wus anglabuhakên brata, aminta bojana Úrì Maharaja. Sukha paripùróna padha katamwi dé Úrì Aji.
Ri wus akarmma bojana padha anggêlarakên mantra ri ajêng Úrì Aji, panampùróna sàrwwa sàrwwa baya, sàrwwa lêtuh lungguh sang ratu, mahomata sira kabéh. Pira kwéh ikang watêk wiku mwang tapa, padha anguñcarakên úloka mantra masanti apatanganan. Padha ngawêtuhakên pranayama yoggha, dadi ta têlas ing karaning pangwéûaning ragan sang prabhu. Mukûah sàrwwa durgga sàrwwa kala wigna nira sang ratu.
Ri wus sira masanti, winéh dhana pùóyà, mas maóik ratnadi. Mantuk ta sira sang bikûu ring wanaúrama nira. Ri mulih watêk tapa rêûi ring pasraman, irika ta Bhagawàn Dharmaraja mawarah ring tanaya nira Úrì Dharma Wikrama, ; ah um anak mami Úrì Dharma Wikramà hana pawarah ra -/- ma aji rêngê dén pahénan, ri tatkala ning gumi 24a. nêmu kaliyuga, tunggal suku ning jagat, rénggang rénggung ikang jagat, prabhéda krama ning jagat, nàra sakadi mangké masalin ulah ing jagat, Bhathara Brahmàgni jadma ring madyapadha sapanênggêking jagat sami.
Usah ikang jagat, panasbhara hatan, tan tunggal idhêping wwang , apan wang pajadman kala drêmbha wimoha kala katung kala ngadhang kala wisaya, kala pajudyan, munggah loba àngkara, têlas saktining wéda mantra, tapa brata yoga Samadhi, usah déwa malalis, makwéh béda ning ngrat, ratu padha ratu amêsêh-mêsêhan.
Yan hana katêkaning kaliyuga ikang rat, tatan paripùróna waluya kadi mangké, apan durung patuwêking gumi, kéwala yatna haywa nggisirin patuting aji sarodrêûþi ika ginawé patuladan anutan, ya -/- n wêkasan katama kaliyuga ikang gumi, yan tuna 24b.pangaskaraning gumi watêk wédya caru mahyahya ring déwa, ika angajarakên prabhu ruûak. Yatna kêna ring niti sastra sang rumakûa jagat.
Mwah sira sang makrêtti mapudgala krama dadi ñjênêng baûmakara, haywa ngulah mabhawa wiku, was-wasên kramanya nguni duking kari amwan. Yan tañ cuntaka, yan tañ cédangganyà, katon ring yawa, mwah kawangúanya, tùr prajñan ring sàrwwa aji, turah-turah i sastra, réh palak sananta hana kéwala nganutin bênêr angiring Sanghyang Aji, sakti lakûana usah, tang kagêbur déning bali. Yan hana wiku cédhangga katon. Lwirnyà ; mala, ila, képék, rumpuh, édan, mwah masolah wigigihan, ngéngéngan, haywa nggén patirthan sang ratu. Mwah amuja-muja salwiring pinuja, kéwala nugraha anggawénang -/- awaknya juga wênang.
25a. Mwah yan hana wiku kêni rogga sangara gring ila, tan wênang maóditanin, ya cihna sayakti. Ko sang wruh namêl Sanghyang Kalima Usadha nêngêr kajatyaning sang wiku kataman mala. Yan tuwusa jati kon maprayaúcita raga, madikûa widi krama madudus agung, gêlarên tambha mwah, gawénên pangalang-ngalang lêtuhi jagat, tan kalêtuhan bwanà nira dé sang sadhaka ika, yan kang katêngêr kataman gring agung. Tan wênang malih upakaranên wênang gung alit, yan kataman gring ilang agung wênang tundung gênahakêna ring giri gàhana mwah têpisiring gumi, haywa winéh ring jagat, mangkanà kajaring sastra.
Mwah yan hana sadya nira maraga sang ratu madêg katon têkaning kaliyuga gumi, yan hana brahmàóa paódita sakti, wruh ring pangarcchàna hyang siddha dé nira angradana Bhathara Prajapati anugraha brahmàóa wangúa mijil saking wimbha -/- nira 25b. Sanghyang Téja. Yan hana putropadhana mangkana, ika wênang dadi patirthan sang ratu, sira wênang angundurakên sarwwa bhutha angruûak bumi, têrus tumus têkéng prati santana nira wêkasan.
Nihan tingkah sang sudraka né tan wênang mratiûþaning ñjagat, yan sang sadhaka cédhangga. Lwirnya; brung lama, kuûþa, ila, gondong, rumpuh, képék, kuci angga, édan, ayan, salwiring mala ning sarira tùr tan sida waras tawunan. Haywa Úrì Aji amuji sadhaka ika, yan awéh tirtha pamrayaúcita ragan sang ratu, mawêh wigna, mangkanà kajaring Sanghyang sastra.-
Caritanên Bhagawàn Dharmarajà winéh nugraha ring sang adiguru nandang sopakara ngêntas atmaning mati, tumut sadulur tri sadhaka wiúéûa, padha wéh tirtha panglêpas ring wang mati ring gumi Pùrbwa Sasana, tan hana kawignan gumi nira, mawêwêh jaya laba jaya satru, Úrì Jaya Wikrama, mwah sàr -/- wwa atma sang inêntas 26a. dé sang sadhàka tri wangúa, matêmahan dadi watêk gaódharwa, salwiring doûa papa pataka duk kari madyapada pùróna déning mantran sang tiga sakti, mantyanta hayu ning gumi nira, tan hana wang mati raré. Tan hana gring, tan hana wwang mati laré, sing tinandur wrêdhi, murah kang sàrwwa tinukunya, kidikang papalin gumi, réh bwana sampun rahayu, wyawahara tan hana, tutug yuûanya, molih krêtta samaya.
Sang brahmana satriya sadulur, winastwa dé Bhathara Úiwa ngawé huriping jagat, ngawé dhalan rahayu têkaning patinya, apan sang tiga maraga úiwa sadaúiwa pramaúiwa.
Sira sang wiku tiga wiúéûa angêmban gumi rahina wêngi, pati urip, sàrwwa jagat, têka wênang úiwa budha satriya putus, tumut anugraha anglêpas atma, saking nugraha Bhathara Úiwa, mangdé úwargga atma ning mati, mangkanà pawarah mami ring kang anak, haywa wi -/- hang tan misinggih pawarah mami, mwah satingkêbing rat, satriya 26b. juga ngêntas atma, yan brahmàna, ratu têkaning antaka, brahmàna paódita wênang angêntasakên úiwa Buddha, yan bujangga ratu putus, sawangúa satriya wênang ingêntasakên rawuhing wéûya wangúa úudra, tumut lawan buda úiwa. Yan mawangúa brahmàóa tan wênang satriya putus wéh tirtha panglêpas atma, wênang tirunên ngawé hayuning jagat nira kabéh.

Iki Brahmàóda Tatwa,
Indik ûang brahmàna wangúa paódita mwah ulaka, úlokanya ;

Brahmànêm wangúé warikêm, sudrénarêm wyawarikêm,
wakcapalé wangsé brahmêm, têwêr jiwagra sudré tu.

Kalinganya, yan hanà sudra wak capala ring brahmànà, ngupawada brahmànà, dudu mula brahmànà saking pawarah sudra ika, yan hana sudra mangkanà, doûanya wênang tugêl jiwagranya. Mangkanà panawuran doûa né sudra ika, yanora samangkana ruûak ikang jagat, wênang sang amawa gumi mratyakûa -/- nên brahmàna inupawada 27a. olih sudra. Yan jati wangúa brahmàna yanora, hana parimana wyakti brahmàna, sangkaning kina-kina nama sisyan-sisyan wang akwéh, sangkaning kina-kina manditanin, sangkaning kina-kina mangêsta satriya ratu, sakramaning brahmàna sinandang ira.
Tan hana tikêl wangúa, dyastun pêgat pakadhangan, tan hana brahmàna wanéh nginangkênin masidikarà ring brahmànà ika, lamun hana maciri mangkanà têmu rawuhing mangké, wangúa mula brahmàna ikà, haywa sang ngamawa gumi mboyahin brahmàna ikà, pitindih wangúa kabrahmànan, réh mula-mula mawitranin para satriya utama, kémantên pêgat pakadhangan patunggal wangúa brahmàna puruûà.
Hana ciri nora brahmàna, sangkayan kina-kina nora nandang sakramaning brahmàna wangúa, tan hana nginangkênin puruûa wangúa, salawasé tan hana maóditanin, tan polih maúiwa ring brahmàna wané -/- h. Yan hana manditanin madikûa widdhi, nora 27b. ring kuna, dadi hana mangké, dudu mulaning brahmàna ika. Haja sang mawangúa satriya, wéûya sudra mapawitra ring brahmàna ika.
Yan hanà wangúa brahmàna, tan hana padha nginangkênin tuntunggilan saking pêgat pakadhangan, wyaktinya mula brahmàna, polih maúiwa ring brahmàna, sangka ri kuna-kuna dadi pawitra ning ratu, manah naga baódha, maúiúya wwang akwéh. Wyakti brahmàna wangúà sira.
Haja sang ratu añuluh-ñuluh pawitaning wangúa brahmàna. Yadyan dudu mula ning brahmàna satriya wangúànya ngutang krama satriya. Mapahulah brahmàna. Sampun polih ngalap brahmàna ping kalih, mun satriya ratu, brahmàna mawak ûirà, wênang ngalap brahmàna istri tan wicaranên, wênang angêntas satriya, utama wéûya têkaning masisyan-siûyan, mangkana kajaring sastra.-
Mwah yan wwang sudra ngupapada mawangúa brahmàna satriya, salwiring inupa -/-
28a. –
28b. wadda, yan angupawadda wangúa, dudu mula brahmàna, dudu mula sang satriya, wak capala sudra ikà, apa kalané sudra mangkanà, saking éliknya ring sang ingupawadda, inalokakên saking wrêttha wang duradéûa, kinwan sudra ikan kahakêna wang ngawarahakêna ring sirà, yan tan têka olih sudra ika, mahabara doûa ning sudra ika, wênag tuwêr lambénya, tugêlên ilatnya, saranta patinya, brahmàna, yanyan paódita, mwah satriya, manggêh pagêh arêp pakûa tungkas, mamboyahin kadi pangupawada sira, masadya napak ring padéwasakûi, mapinunàs ring sang guru wiúéûa. Wwang sudra ikà mangkana doûanya
Yan tan sìnungan sang brahmanà mwah sang satriya napak ring padéwasakûi, saking pandas awak, doûa ning sudra ikà haram, inurip dé sang amawabumi. Yan hana wyawahara mangkanà, sudra ikà kari urip, iwang sang maraga krêtta. Wacin angungkuli mé -/- ru sudra ikà, doûa sang krêta dé Bhathara Brahmà, kêna upadrawa dé Bhathara 29a. Dwijéndra.
Mwah sudra ngupawada wangúan brahmana paódita, inanggêh dudu wit mula wangúa brahmàna, saking wrêtta wang duradéûa, kinwan sang ngupawada ngrawuhang sang mawarah ring sira. Yan sida rawuh olih sudra ikà. Sudra-sudra ikà. Hana doûanya tan têka ring sang kawada, dadi sira ambyayakên ring wwang wanéh, wênang doûanya tundung.
Yan tan rawuh olih sudra ikà, sang mawarah ring sira, saking ngatinya ngupawada sang pandita, wênang paténên sudra ikà, karaning wênang paténên to sudra ikà, yan dudu rinéñcang mwah kapawitrayan antuk ûang kahupawadda, matunggalan déûa pasamwan, doûanya wênang tundung tibanin cor pamarikûakên i sira wusan mangupawadda, mangkana dé sang midoûa.
Yan karéñcangan dé sang kahupawadda, tùr sira kapawitrayan olih sang kahupawada, yanya -/- n satriya olih kahupawada olih réñcangnya. Aparan haran 29b.wwang mangkanà. Iwén asupundung, nga. wênang paténên, yanora pinaténên, wacin angungkulin méru, nga. lêtuh ikang rat, mangkana kajaring sastra munggwing Brahmàloka Tatwa.-

Iti Sastra Brahmopadrawa, nga.
Saking nitì Bhathara Brahmà, tata kramaning wwang catùr jadma; brahmàóa, satriya, wéûya, sudra, tingkah aguru úiwà pawitra ring sang paódita, haja ulad alid kramanya, amili-milihin pasiwàn, yan tan cédangga kamalan ngawé sangar ikang rat, haja malénin ngalih pasiwan lyàn kêna upadrawa ring sang adiguru. Mwah upadrawan Bhathara Brahmà, andadi bhùtha kala édan dadi gagêlah. Mangkanà tan kasupat déning tirthan Bhathara wwang langgana ring sang maraga paódita mwah sang mawangúa satriya, wéûya sudra, haywa sira ngupawadha sang sampun maraga paódita ila-ila dahat – /- dadi kuricak cacing pajadmanya. Apan sang paódita sampun masakûi Bhathara Tri 30a. Déwata.
Mwah sang mawangúa satriya aminang brahmàóa paódita amuja-muja ring kahyangan sang satriya ikà, tùr kapawitrayan déwan satriya ikà têkéng sarira nira úêring-úêring paódita ika amuja-muja ring anggan sang satriya punikà, hana saking wrêtta tan jati, pawarah wwang wanéh, ginugwakên olih satriya ika, aparan ujar ikang wwang wanéh, tan sayogya paódita ikà pinangên, saking kunà-kunà tan mapawitra ring sira, lyan mét brahmaóa amuja sarira nira, mangkana ujar wwang wanéh, mituwu warah sang mitutur mangkanà.
Tùr hana mési pangupawada wangúa, dadi ta mét brahmana lyan, huning Bhathara Yamà. Ida Bhathara Yama mungguh ring cangkêm, kalingané wangúa utama paódita pracalén nakêna olih wwang ikà. Tùr hana pangupawadha wa -/-ngúa tan brahmàna 30b.mula, tan siwa mula, salwiring pangupawadha, kêna upadrawwang mangkanà olih Bhathara Yama, winastu amanggih baya gung olih naya. Wêkasan kapatyanya sumilêming kawah.
Mwah yan dharma sasana masiwa pawitra, pratyakûa juga rumuhun kajatyaning brahmàóa. Yan tuhu brahmàóa putra Dwijéndra putran Brahmà mijil saking téjà, sêdêng mawitranin satriya ratu. Yanora tan sêdhêng mawitranin satriya wéla sudra wênang. Haywa sang satriya wangúa wéúya sudra, makadinya brahmàna kabéh ngupawadha wangúan sang pandita, mun ingucap brahmàna, mwah hana wit brahmanà kalungsur wangúa, kawêkasan polih sadya saking mayaúa dharma ning kapandita..

Nyan tata kramaning dadi wiku,
Maka pùrohita nira sang ratu, yatna sira ring niti dharma ning wiku jati dhamêlên, yan sampun karaûàjara ring kahyun, katibéng sangaraning raga tata -/- n 31a.pêgat, sampun siwwaning waca-waca sira, salingsuh wijil nikang wédda mantra.
Yan sampun mangkana katêngêr déning kahyun, haywa lakûana amujà bwat parikrama karyyan sang ratu, makadinya amuja-muja angêntas-êntas sawa sang ratu wwang niûþa madhya utama wangúa. Yan sampun katama raga mangkanà, yan têhêr lakûanakên tan kaparisudha lêtuh ing atma. Mwah sang wiku mangkana têkaning pralayanya sumilêming Yamàniloka, kêna upata dé Sanghyang Prajapati panghuluning sàrwwa atma. Mangkana kapangguh papa dé sang wiku mangkanà.
Aparan haran wiku ikà, wiku anilibakên rat, nga. ngulah amrih guruyaga agêng, réh tan hana wwang wruha yadyan salisuh palang paling wêtuning wédda apan tan wruh sang ngakaryya. Mangkana idhêp sang wiku mangkana. Yanana wiku samangkanà, haywa nggén pawitran sang ratu, yan añawa wédana, yan angaûþi wédana, palanya tan kaparisuddhà lêtuhing sawa. Yan angaûþi wé -/- dana, tan kaparisudha lêtuhing aûþi, 31b.mangkanà kajaring ngaji.-
Yan hana wiku dharma ring kapanditan, yan karaûa sampun jara úiswaning kahyun úri salisuh bwating wéda mantra têka ning pasurup-surupanya salah, agya sira sang wiku, mamwiting sang ratu, amujà-muja saparikraman sang ratu, réh sampun jara siúwaning hañana sukûman wédha paragga, kéwala patitiû ning ngangên ngarcchàna Yang Mahasukûma ning raga mulihing nirbana úunya, mangkana sang jati wiku dharma. Têkaning pralaya mulih ring úiwaloka, têlas raga dwésa dé nira.-
Mwah yanana wiku sangara raga, tan amanggih waras siúwa ring rat, palang paling wéda mantra, yanana wwang makon amujà, anglawanin anglakonin, apan hana kantên pakolih, sabwating lara kêdêh lumaku. Wiku drohakà, nga. wiku angurusuh ulah olih buktya. Têlas.

Mwah tata kramaning dadi wiku. -/-
32a. Guruloka ning jagat, pawitran sang amawabumi, têka wênang sang wiku ikà ; ngawangun tapa brata yoga Samadhi, putus ring dharma kalêpasên, haywa têlêng ring waya pala sakala, niskalà juga inisti, tan surud mayasa ring raga ngamêl kajaring aji, mangdé tan kawignan sarira nira, mwah gumi nira sang ratu, makrêtti ring raga, tan katamanan papa ri têkaning pralaya.
Yan têlêb ring wayapalà sang wiku ikà, makrêtti wibhuh wiryya mas maóik, tan têlêng palakûaóa ning niskala kaparamarthan, yan añawa wédana angasti wédanà palanya tan ilang lêtuhing sawa, lêtuhing atma, mwah angamongin naghabaóda, antyan praméya nira, kadi nabhaûþala luhurnya, gêngnya tulya himawàn bwatnya. Mangkana méwêh sang wiku.
Yan tan putus ring paramarthan, kéwala wruh ring waca-waca mantra wéda, mapi wruh limpad ring niskala tatwa, mapi wruh putusing kawikwan, mapi prajñan pu -/- ji-32b. puji ring sarira, mapi dharma, sukha bungah ingalêm-alêm déning wwang, sugih mas maóik.
Kalinganya ring adñaóa niskala nora putus. Yan hana wiku mangkanà kêna upadrawa sang wiku dé Bhathara Prajapati panguluning atma, winastu sang wiku ika têkaning pralayanya, paling pati purug purugi, ring jurang ring lwah, lióa tiba ring natar, lióa gring kaðaðak, lina anêwêk raga, lina ingapusan gulu, salwiring sinanggah salah pati marga pralayan sang paódita. Siswaning wacika lióan ring têgal ring sukêt, pangwésan upatin Bhathara Yamà.
Yan hana paódita linanya samangkana, haywa mêódêm sawa sang paódita, wangunên pratéka tumandang mantra samangké dén asangkêp, wangunên panêbusan atma kang sudoûa, kadi kina-kina, mangdé tan têrus ring kawit prati santananya, artha panêbas atma samangké kêni dadi pratéka samangké, akêti nêm lakûa panêbusan doûa ring Bhatharà -/- Yama.
33a. Ri wus upakara ikà, wangunên pratékà dina ra sang hayu, gêsêng ikang sawa. Mangkana dharma sasana linan sang wiku kêna upatti. Yan tan samangkana haywa gén mratékà, nganti sêngkêr, 2, tawun gênahakêna kang laywan ring sêmasana, gawênên kuwu, yan têka ring sêngkêr, 2 tawun, irika juga pratéka, tan wênang ring nagara pratékà, tan urung kabéda gumin sang ratu, olih watêk bhutha réh durung matêbas wawu linà. Yan hana wwang amurug ling sastra ikà.
Asing anugraha, durung mamargi upakara panêbas doûa bahu lina, ring gênahing lióa caódala. Yan sang ratu nugraha mratékà, katama sudoûa sang ratu kalara pinupuh sukun sang ratu olih mudgara wêsi, sungkampuh sang ratu, sapamidoûa sang ratu, I butha pangawan midoûa. Têkéng Bhathara Yama. Yan pandita nugraha, kawéûa sang pandita olih ing butha pangawan, pati purug purugi solah sang pa -/- ódita dadi salah ulah 33b.kapatyané, mangkana kajaring ngaji munggwing widi sastra, sasaha pralióan rêûi.

Tingkahing kaparamartha lióa, yan akrêtta samaya, apranayama, yan yoga saódi patti, yan anggêsêng raga, kawruhaning wwang akwéh, saprati santananya, wus wruh dawuh ning pralaya, mangkanà kalêphasan sang rêûi, utama marga.-
Nyan tata krama lina sang paódita salah krama ulah; atêmu smara ring tumin, yañ cihna sayaktinya kinwan munggwing agraning giri kalamukan déning mudra, aturakên ring Bhathara Triyodhasasakûi, mangkanà doûa né sang paódita.
Mwah tingkah sang sadhaka mawyawahara katibén ujar hala, têka wênang maprayaúcita raga mawanawasa ring giri wana, matirthagumana, asùryya ûéwana ri kalaning ulan haramé, yan utama doûa amati-mati, satus tawun suwénya, yan madya sékêt tawun suwénya, yan niûþa -/- têlung daûa tawun suwénya. Yan niûþaning niûþa, dwa 34a. likur dina suwénya. Yan prayaúcita cuntaka para wak paruûya, 16, dina suwénya.
Tingkah sang sadakà kataman mawyawara, ri wus mawanawasa, têka wênang minahayu raga madudus wrêspati kalpha nutur sang adiguru ngañut salwiring wigna ring raga. Yan tan samangkanà nora wênang amujà angêntas wwang mati. Mwah amujà hyang tan prasidha karyya, réh kari kasusuban ujar sêbêl, tanutan ikang pinujà ring paódita lêtuh.
Mwah yan inêtas olih pandita kari tan pêgat wyawara, tan ilang lêtuh ning atma mangkanà ling Sanghyang Sastra, mangké têka wênang sang rumakûa bumi yatna ring niti sastra siwa sasana, brati sasana, slokantara, brahmanda purana, widi sastra, brahmà tatwa wangúa, bramokta, lina paramartha, catùr yuga, salwiring sastra sarodrêûþi ginawé tulad.-
Mwah kapatyaning wwang sudraning cchàcaódala, né tan wênang pratékani -/-
34b. n salawasing gumi tan wênang êntasên, ndyàtaóyan ; yan wang sudra mét istri brahmàóa, mét satriya utama, ragan sang amawagumi, yan minggat saking japba kutha nglidang urip, kawêkasan mati kêna gring, tan wênang pratéka, yan kêdhêh mratékà hala ikang rat, wacin angungkuli méru, nga. lêtuh satata ikang rat.
Nyan patita walaka sangkayan ujar wak paruûyà, apa kalaning mangkanà; hana brahmàóa solahnyà matùgêpéng, pagêh matindih manah corah, loba ring cor, yan hana ngadol anuku, úring ngêngas pawéh wwang wanéh kukuh tan pangaku, sinosotakên ring hyang, sang kasosotang jati ngalap, tùr hana parimananya, nga. wwang ikà pantên hyang. Mwah patita walakà, nga. tan wênang dadi baûmakara, mangkana.
Nyan tata kramaning wangúa brahmàóa, mét istri brahmàóa wêkasan maputra laki, mét istri wangúa -/- sudra manak laki, munggah wangúa sudra ikà. Utamaning 35a.wéûya niûþaning satriya, yan sampun maputu munggah kawangúan, sampun mawak brahmana, dyastu satriya wangúa, mahibu sudra, mun sampun maputu waluya satriya wangúa, wênang ngambil kapatyaning kasatriyan, ri kala nambut upakara kasatriyan.
Mwah yan satriya ratu mahabalà, mahibu sudra, sampun maputu mabuyut, sampun maraga satriya putus mapudgala, wênang managabaóda, yanora putus mapudgala tan wênang, palanya sasar sanghyang pitara. Mangkana kajaring sastra brahmà wangúa tatwa.
Tan sangka ya molih yaúa makrêtti dharma, padñan ring naya ring sastra aúih wwang akwéh, mwah úring polih ngalap brahmàna kadhang tunggilan ira pitung pajênêngan, brahmaóa walwi mwah, kadi prêtiwi pinraûþiûþa dadi kahyangan méru prasada kalingganan Bhathara, sahananing wwang niûþa madya utama wangúa nungsung, samangkà -/- na sang molih yaúa pinanggih.
35b. Kunang Bhathara Brahmà ngawijilakên putropadhana, brahmana utama wangúa, saking pangarcchànan Bhathara Pasupati.
Hana brahmana mijil saking téja, tumuwuh pratti santananya têkaning mangké. Hana niti Brahma rêûi déwata watêk Brahmaloka, anggawéhakên maka tunggul munggwing sastra. Pawitan hana brahma putro mijil saking téjà, mangdé hana kêmitan katama katêmu ring prati santanan sang mijil saking téjà, wêkasanya marggané tan hana pangupawadan sahananing wangúa satriya brahmàna lyan kabéh, karaning hana mijil putran Bhathara Brahmà.
Hana brahmàna mêtu saking téjà, sangkayan manuûa ring martyaloka katadhah kalamayapati, sira sang brahmanà mijil saking téjà inutus amatyanin kala punikà, têlas mati, hurip déûa ikà, ling Bhathara Brahma; ginawé sastra pinakà prasaûþi maka tunggul, katama ka -/- têmu wêkasan.

36a. Tata kramaning brahmàóa wangúa mijil saking téjà, maparab Ida Têlaga, punikà huning ring sarwa déwa, ida kapuji kanggén pawitra antuk Bhathara Pasupati malingga ring rékagumi, rawuhing wêkasanya yan hana pratti santanànya dadi patirthaning jagat kabéh, têkéng ratunya, palanya rahayu ikang jagat têkéng ratunya.
Ida Têlaga punikà brahmàna utama, putran Bhathara Brahma, samangkana wacanan Bhathara Brahma. Yan hana ratu wruh ring tatwa iki kanugrahan antuk Bhathara Putrañjaya jumênêng ring Baúukih.
Ida Têlaga rawuhing pratti santanan Ida Têlaga wêkasan, wênang dadi úiwan jagat, palanya rahayu ikang gumi têkéng ratunya. Ida Paduka Bhathara Putrañjaya mangraganin nugraha kasidyan mantra. Mangkana ling bhathara munggwing widi sastra, haywa sang prajà rakûaka gumi. Mwah brahmana paódita, ngupawadha wangúan Ida Têlaga mijil saking téjà, kêna upadrawa -/- dé Bhathara Pasupati mwah paduka 36b.Bhathara Putrañjaya malingga ring Basukih, tan dadi jadma mwah. Widi sastra iti.

Iti Sastra Purwwana Tatwa,
Catur wangúa parikûa, tata krama ning ratu rumakûa jagat, anggawé kàyowanàn bwana sarira nira jumênêng ratu, mangdé tan kêna upadrawa dé Sanghyang Brahmà, apa ta lwirnya ; yan hana wwang sudra wangúa, mét añjamah istri utama wangúa, lwirnya ; brahmàóa, satriya, wéûya, yayan hanà cihna sayakþi, têka wênang paténên aturakêna ring Sanghyang Bhruóà, iring kapanglêburaning doûa mangkana. Yanora kêni pinaténan sah saking déûa nira, ngungsi gumi lyan, salawas tuwuhnya, haywa winéh manih napak gumi nira mula, salwah ning nagara sang ratu ikà.
Mwah yan anilib akên ring rat, mantuk ring swadéûa nira, yan hana amangguh têka wênang sikêpên hunyakên tang ngatêran kinambulan wang akwéh, mangkanà kra-/-
37a. man sang ratu dharma krêtta.
Mwah yan hana wangúa sudra mét istri wangúa satriya, saking padha arûanya matilar ring guminya ngungsi gumi lyan, tan sida olih amaténin wang ikà. Pira warûa laminya, hana idhêp kadhang sudra ikà masadya mapinunàs mandé urip tùr mulih ring guminya mula, yadyan agêng mangayahayanya ring twan, yadyan agêng gunanya wwang langgana krama, mandêl ulih sang raja winayana yaning wwang ikà, haywa sang ratu lugraha ñampolih muliha ring ring naggharanya mula, yadyan kula wangúa hinañut.
Mun magênah ring saba maódala sang ratu, lêtuh naggharan sang ratu, bawùr ikang jagat, déwa malalis, sàrwwa bhutha lumarap ring gumi nira sang ratu. Sang ratu bhédha-béda olih ing ngkara butta, dadi usah ikang gumi. Gring tan pêgat ring sang ratu. Apa kalaning mangkana, santukanya sang ratu rumakûa wwang salah kramma, kêna upadrawa sang ratu -/- dé padukà Bhathara Siwaditya makadinya Hyang Girinatha.
37b. Yan hana ratu samangkanà, hala jagat sang ratu. Yan hana sudra wangúa mét istri satriya, satriya mét wangúa brahmàna maka rabinya, yadyan padha arûanya paran haranya puriûya mungguhing méru, nga. tan wênang popunên wang ikà, têka wênang aturên ring Hyang Bruna, tan sayogya wangúa ning istrinya kula inañut, wyaktinya añutên ring sagara marapwan ilang wigna ning jagat.
Mwah yan satriya mét istri brahmàna, apa haranya, wacin angluhuri prasadha, nga. yan hana kadi sahika palanya têlas kasaktén sang ratu, kasidyan sang brahmana mwah watêk paódita, dukà sang kasuhun kidul, arohàra déya sang rumakûa prajà, kapralióakên Sanghyang Saraúwati mantuk ring laklakan Sanghyang Anantabogga,apan sang brahmàóa lêwihing kula wangúa, tan hana madhani ring kawangúan.
Yan hana saikà wênang bwangên -/- ring samudra, lakinya, istrinya malabuh 38a. pwa laki pwalakà, mangkana kajaring sastra. Mwah yan wéûya sudra mét brahmaói wangúa. Yadyan mét istri wangúa satriya, hana cihna amêtêng , yadyan agêng pangayahayanya ring twan, karaton gumi ingaturakên, mangdé wébuh sang kinatwangan, tan yogya uripên sanunggal ruûak kabéh, aturakêna ring Hyang Bruna. Mangkanà pangluburan doûa né.
Mwah sawangúanya sang catùr wangúa makadinya; brahmaói brahmàóa saking ambêk duracara, krêûalapa, akéh madrêwé utang, dadi ta kadol katuku sawangúa ning manuûa. Yan katuku olih wéûya, sudra. Kula añud wangúa ikà, yadyan satriya tunggal tata kramanya, tùr gawénên pajati pamêgat wangúa, mapajati ring sùryya kasuduk olih rwaning andong, ngilêhin balé agung, ping 3, kahatêr olih wwang akwéh, prasidhà pêgat wangúa né kina, nanging hana pra -/- mane ikà, yan brahmàna satiya wéûya laki stri 38b.kadol katuku olih sudra bahitrê bot layaran, tinuku olih dudu wwang bot layaran kahanggén kurênan yan istri, wênang kasamén wangúa. Têlas kawangúa né nguni inabut olih artha.-
Mwah tata kramaning wangúa brahmàóna, yadyan paódita amanggih pawyawara marêp ring walakà, padha sêngité ngumêda ring manah, hinalokakên pandita ikà, wikwangúa brahmàóa wangúa tikêl tùr sampun kalungsur wangúa, dadi wangúa kasamén, dadi ta marêp mawyawara paódita ikà, ring sang ngupawadda, pada hana mitangguh, sang paódita ingupadda mitangguh kabrahmàónan ta tuhu kàdi sahikà, padha marêpakûa tungkas, sinapih dé sang àmawabumi, kaparimanan antuk upasakûi, sang ngupawada, yan manih sira ngupawada wiku ika, kêna sabwating paramopadrawan bhathara.
Mwah anaking -/- paódita inupawada wêkasanya tan kalêtêhan wangúa 39a.kabrahmànan katoniñ jagat, wênang nunàs pamarikûa panêdas awak ring ida sang amawabumi. Mwah ri sampun kaparimanàn, sang inupawadda réh katibéng ujar hala, wênang prayaúcitta ring giri gahana, ring wana, 16 dina, ring ukir, 16 dina, ring sagara, 16 dina, puput prayaúcitanya. Yan mati sang ngupawadda, satus tiban maprayaúcitta, mangkanà kajaring widi sastra.

Nyan tingkahing sang ngàmawabumi.
Haywa tan yatna mwah watêk paóditadi, anggêlarakên sastra sarodrêûþi, makadinya ; rêûi sasaóa, hala hayu nira sang wiku. Mwah yan hana wiku kahupawada olih walaka, yan ring solah, yan ring rupa, yan ring wangúa. Yan ring wangúa kahupawada utama doûan sang walaka, angamukûaskara, nga. haywa mari hênêng, wênang paténên sang walakà ngupawadda, aturakêna ring Hyang Bruóna, nanging -/- 39b. pratyakûanin wiku ikà, yan tuhu sakadi ujar walaka ika, yan kari pakûa né tan tus, padha tan wruhé, padha angrêkwa-rêkwa, padha samar rawoúe, haywa agé amaténi walaka ikà, haywa sang prabu mituwu mula brahmàna, pêgatên wyàwahara pyak, têka wênang sang ulaka ngupawada tapakakêning padéwasakûi. Yan sira manih ngupawada kêna upa déwasakûi, tùr nama úùdoûa bwat mati.
Mwah sang wiku kaupawada, yan madrêwé sanak anak têmên wênang nunàs padéwasakûi, mitindih awak ûira, wyakti brahmana, mangkana kajaring sastra dharma sasana, réh sang ngawadha mapratali padéwasakûi ring Bhathara Siwaditya. Sang wiku kaupawada wênang nunàs padéwasakûi parimanà ring sang àmawabumi, nora mapatabêh, yanora mapinunàs padéwasakûi ring sang amawabumi, kaciriyan tuwu kadi pangupawadané, tà -/- n kêdhas idhêp wwang tumulat, brahmàóa buntan pawit, nga.
40a. Yan sampun manêdhas awak, tùr sampun prayaúcita ring giri wana gahananya, wênang sira amuja mujà salwiring karyya-karyya angêntas-êntas, haywa sang paódita amurug krama, têkaning kapatyanya, sumilêming kawah bràggadha bah. Haywa sang wiku pramadha yadyan ta kawêdar, ring hati idhêp élik nanging angalus wêtuning wuwus, duûþa ring jêro wiku ikà, haywa mangkanà ila kajaring sastra.

Iti Sasanà ning Wiku,
Sanggara gumi, munggwing aji dharma kriya, nga. ndyà solah wiku ikà ; yan hana añar, têmbé ya pininang ring gumi adoh, makwéh majar-ajar kawyabaûa basitta, sumbung-sumbung mawarah, awak déwék juga tutus ring dharma sastra lakûaóà, tùr amuji utama wangúa sira, tan hanà madhani wangúa sirà, ri sêdêng dununganing wwang angarêpi gawé, sukà bungah pinuji dé -/- ning wwang, mawrê warêgga ring 40b.pangupabogga sakahyun.
Mwah hana pawarah mamisikin wwang tùr wara dharma mangalus, anutur-nuturang ngupawada solah wiku lyan, ngupawadha wangúa wiku wanéh, ngupawadha wimudhan wiku lyan, anuturang malàn sang wiku lyan, mangkana pakryanaya wiku ikà, mangdé tan sêlang manih wang niûþa madya utama wangúa aminang wiku lyan ring sira, sira juga kapuji, mangdé titir pininang déning wwang dùradéûa, mapi-mapi madhanà wédda ring wwang niûþa utama wangúa, tan amrih guruyagga, dharma balogaóda pakantênaning wwang kêni sira juga pinuji putus ring kapaóditan.
Mangkana pangalap sih sang wiku ikà, kawêkasan amrih anilih ring padha sira, molih sapamrihé wiku ikà, sampun kadaûawarûa laminya tan éling anawur utang ikà, sang pintanên antuk wiku ikà salwiré tan arêp manih andapa nilih wi -/- ku ikà.
41a. Huning sira ring utang bwat, ménak idhêp wiku ikà, yan duke huni ri sêdêng anglakonin gawénya pamétên guruyagga, kidik molih, apan gawéning wwang ngakéh niûþa madya utama.
Yan ring mangalap sih aminta nilih samapta agêng molih, manawur têbu-têbu ya kémad managih gêgêntun, mangkanà pakryan sang wiku. Yan hana wiku mangkanà, dudu dharma ning wiku putus, wiku bratthabakà, nga. ring têkaning pralaya, atman wiku ikà pinugêr guluné ring tungtung ing kayu curigga, pinêpês awaké ring parud malungid, siyu tawun amanggih papa, mangkana doûan sang paódita mangkanà.-

Nyan tata kramaning sang wiku nama sudoûa salwiring sudoûa,
Né wênang amêngahakên kahyangan ira Sanghyang Saraúwati, sang guru purohitta nira sang amawabumi, saha dakûina pras ring kahyangan sasêmbahan ira sang ngamawabumi putus papêgatan rawos, yadyan hana wiku wanéh, ya -/- n tan sangkayan anugraha, sang 41b. guru purohitta nira sang ratu, kalyan panugrahan sang mawa jagat, tan siddhà wênang amêngakên kahyangan ira Sanghyang Saraúwati.
Yan hana wiku lancang mapi wruh têgêsing dharma siwa sasaóa,winastu dé paduka Bhathara Dharmmayogi, satata amanggih wyadi tan pêgat, mangkanà upatti Bhathara Widisastra.
Haywa sang sadhakà asing sadhaka yan tan sang sadhaka kaguru purohitan sang ngamawabumi, sira wênang amêngahakên kahyangan ira Sanghyang Saraúwati, mangkanà dharma sasaóà sang wiku.-
Mwah yan hana sang wiku inupawada olih brahmàna walaka, inanggêh kina-kina tan mula puruûa wangúa brahmàna, tan kina-kina pawitran gumi, mangké wiku ikà dadi pawitran ratu, mangkana pangùpawadha walakà, wiku ika tan pakadhang , hana kagamêl pasusuratan unduk kàbrahmanan wiku ikà, yatika makàwatang katanguh olih wiku inupawadha, sang wiku inupawadha misara sang amawabu -/- mi, réh tan yogya sang 42a. wiku ngarêbatên wyawahara, humênêng wiku ikà, misara sang angrahosi, tan kawênang siran kanin ri pasamwan pawyawaharan sira.
Yan wiku têka ring pasamwan mapadu lawan mêsêhnya ngawêtuhakên pikaóda pidhartha, ila-ila kajarnya, dudu wiku dharma, wiku kalicun kataka, nga. tan wênang amuja parikrama, réh wiku ikà salah hinawanan, tan kawasa sang wiku karêping pawyawahara, pisara rawos sang krêttha dikûitta, makadi sang amawagumi.
Wiku inumawadha mênêng juga, haywa têdun ring pasamwan, yan hana adrêwé anak ûanak kadhang, salwiring wangúa asing kapawitrayan ika yogya ngarêpi mitangguh nêdunin ring pasamwan, yadyan napak padéwa sakûi rawosé, sira padha wênang maka purasarana wêngi pitangguh satêkanya, yadyan halà yadyan hayu, padha-padha wangúan sang mawyawara kalih, mangkana ling sasana karêûyan.
Yan hanà wyaktinya ngamêl sa -/- stra pamañcangah iódik wangúa 42b.kabrahmànan, tùr purun mitangguh, anaknya, katabêh asing kapawitranin, sang ngupawadà têhêr padha hana mitindih saha patabêh kadhang, sapatuting patabêh, marêpakûa tungkan, wênang sinapih akên padha pakûanya, wéhên sabda rahayu masanak wênang sang amawabumi angawéhakên ri pùrónaning pêgat pawyawaranya.
Yan sida paripùróna rinawosan, têka wênang sang wiku hinupawada, anaknya nunàs upasakûi, ndéwa sakûiyang kabrahmana né. sang upasakûi ika wênang nganutin asing wwang kapawitranin ring wiku ikà, sang upawadha wênang maupasakûi kêni sampunên manih wêtu mangupawadayan manih mangupawada kênaha ta sira upadrawa ning sàrwwa déwà, mangkanà kajaring sastra.
Mwah yan winitang bhawos sang amawabumi sira pilih tunggil têka wênang gêntosên asing kukuh, tan awéh manih napak guminya, réh sira langganà nula -/- k 43a.rawos sang ratu, mangkana kajarnya.
Mwah hana walaka ngupawada wiku, inalokakên tan pawangúa wiku ikà, wiku inupawada mitindih raga wantah mula brahmànà, têkaning amijilakên prakaóda sang ngupawadha sami saking mangrêkwa-rêkwa, pawarah wwang duradéûà, tan sida têka dénya tumraping pangaking, nga. sang ngupawadha.
Sang wiku inupawada tan pakantên hêning tahêning antuk ûang mawas, yan hana mituwiyang mitangguh wiku inupawadda mangiwangin nulak ûang upawadha, tùr padha mapinunàs anaking wiku inupawada kalyan sakadhang sang wiku inupawadha, purun mitindih sang wiku inupawadha, antuk ûang déwasakûi, têka wênang sang ngupawada pêkakên sirsanya bwangakêna ring samùdra, kawaódanya tibàkakêna ring lwah, mangkana kapatyané.
Yanora hana sang wiku mitangguh sakadi pangupawadané, mitindih raga purun anapak padéwa sakûi, anaking wiku inupawada mwah sa -/- kadhang wiku ikà, durung 43b. mapinunàs ring sang guru úiwa, ri sang guru wisésà, dadi ta hinge angadu rawos sinapih akên dé sang prabhù, réh durung padha tutus ka akûi antuk gumi, pakaóda kabrahmànan. Pakaóda pangupawada, samangké katon wiku, kajatyané kari samar, tiba hanéh sudoûa né, wênang déwa sakûinin sang ngupawada, mangdé wusan ngupawada.
Sang wiku inupawadha réh hana kacédha, tan hana mitangguhang atùr nunas pamarikûa, samar kawirtyannya, réh tanapak ring padéwa sakûi kaloka tuhu tan pawangúa, têlas.

Nyan tata krama ning wiku mayasa dharma,
Tumuwuh ring kaliyuga gumi, bawur ikang jagat, sàrwwa wédda mantra tan mandi, brata yoga tapa tan masari, wiku tan tutus kaparamarthan, kéwala wruh awaca-waca wéda mantra, putus lakûana tan hanà, sami idhêp angrêkwa-rêkwa -/- tan hana 44a.butul ring pangawruh jati mawas kadi ling ing ngaji, ika ngaran wiku amayong-mayong, tumuwuh ring kali, kabéh sahana ning wiku padha angrêkwa-rêkwa, padha amayong-mayong, wruh ring tatwa aji, tan wruh ring palakûanan jati kadi kajaring aji.
Kémantên sira wruh krama pujà-pujà, tan têrus wruh mawas ring sari ning kaparamàrthan, yan amujà tugus dé nira uñcarakên wédha mantra, yan sira sang wiku amujà ngastawa pitra, ngastawa déwa, ngastawa buþa, salwiring inarcchàna dé sang wiku, tan hana mawayang sang inarcchàna dé nira, wiku amayong-mayong, nga.
Yan sira pininang déning wwang amujà palikrama pinujà, hajà sang wiku ikà matêngêt ngindikang sawungkul maka mradakûina né mantuk ring sang wiku, têka wênang sira madhana wédda, dharma ning dadi wiku tumuwuh ring kalih, sarwaúwatti mùr sandi ning mantra moktah, tan têrus palakûanan kawruhan.
Yan hana wiku titik tan santosa bu -/- di, têlênging kahyun ring guruyagga 44b.mañjing tan dadi tunahin, kambil mañampunuh tan matulak kidik, dudu wiku dharmà, wiku rakûasa ngaran , tan darana ring jagat, têkaning pralaya wiku ikà tiba ring kawah agni, satus tawun amanggih narakà.
Punapa kalaning amanggih narakà, réh sang wiku ring kali tan hana jati wruh putus palakûanan, palakûana angrêkwa-rêkwa, ika wiku ring kali, wiku mayong-mayong, nga. dudu ngarcchàna hayuning jagat, mawêh-wêh dùrbala ning jagat, santukan têlêng ring pagurulaga, wéda mantra tan pakalingan. Yan sang wiku dharmà tan têlêb ring artha kanakà, réh raga mantra hinasakti pangawruh tan hana, idhêp anggén madhana wédha tan tumus kasukûman tatwa.

Tata kramaning wiku nambut angusadanin wiku sanggara ngaran,
tan wênang wiku mangkanà, sasar dadi wiku, wêkasan ri kala kapatyan sing naranta dé watêk raja butha, réh wiku ika maprih a -/- kéh makolih labà bukti, drowaka wiku ikà, 45a. tan wênang gagaduhan sang wiku mangkanà, wiku kali sanggara, nga. tan wênang amujà gumi. Têlas mangkana kojaring sastra.-

Nihan tata krama ning wiku ring nagara krammà, anggawé sangar ikang jagat, aparan solahnya dadi wiku; cok tadhah, ndi ngaran cok tadhah, tan wênang wênangakên, tan bhukti binukti akên, tan wênang pangan pinanganakên.
Ndi wênang tinadhah dé sang wiku; sêkul ulam asing inanggêh suci, yatika wênang tinadhah dé sang wiku. Né tan wênang tinadhah dé sang wiku, ginarap olih istri angrajaswala, tan yogya sang wiku socapan ring wwang camah, asing anglêtuhin anggan sang wiku, haywa sang wiku anadah iwak céléng umah, anadhah asing ngawrêhi, yan madya budur, mastawa, ngawrêhi, haywa sang sadhàka nadhah, kukus canduli, lêtuh pakanya kamadéwi masarira ikà, sat amangañ camah, skasanga susantran wiku ikà.
Yan hana -/- wiku anadhah mangkanà, wiku sanggara, nga. ngawé lêtuh sanagara 45b.ikà. Ndi angadakakên sangaring raga, sang mapi wiku, sang mambêk putus, sampun sumakûi ring Hyang Sùryya, mawêtu tan solah sinolahakên, mwang sang ratu rumakûa jagat, tan solah sinolahakên, ikàng awétrangì jagat, ngawêtuhang kali sanggara gumi, dudu wwang nicchà caódala, angadakang dùbbhalaning gumi, sira sang jumênêng wiku, mênggêp solah mapi dharma pakantênan, ring jêro ulad alid.
Apa lwirnya; mangangên kêna smara yan katon stri anwam mangangên liñok, mangangên salwiring tan yukti, dyastu tan palakûaóa, kémantên pangangên, doûa sang wiku mangkanà, dé Bhathara Brahmà, wiku sangara, nga. milara awak, yan cihna wyakti lakûanà pangangênya, pantên wiku ikà.
Mwah yan hana wiku añolong smara, mét pawitanda hita huni, hala karmma da hitanya, tan tumut mapudgala, wêkasan manih si -/- nilib apulang sih ring istri ikà, 46a.pantên wiku ikà.
Mwah yan wiku, matêmu smara wahana makaciri ngarbhini durung katêngêr, tinimbalakên ri laki wanéh, laki ikà ta wruh ring sang wiku ikà añjamah, pitahên sangkayan trêûóa mahanak wéh istri, kawêkasan hanà byotan sang wiku ikà ring istri tinimbalakên saking daging, srêngên istri ikà, winarah wang akwéh santukan ûang wiku ikà kaûih añjamah sira, maciri ngarbhini, kéwêh pangangên wiku ikà, mangaúih-aúih ring istri ikà, idhêp tiniwakakên ring wwang wanéh, hanakonên mas maóik artha sira tiniwakakên, mangkana winarah dé nira wruh wang akwéh, wiku corah, nga. pantên wiku ikà.-
Nihan tata krama sang mawangúà brahmàóa, sang mawangúa satriya, wéûya, rawuhing sudra jadma. Yan sira padha mayaúa dharma nganutin sasana widhi, makrêtti ring niti bakti ring widdhi. Yan sira sang mawangúa catùr jadma, yan hana sira nghà -/- 46b. wangùn kahyangan widi uttamà lwirnya ; méru, padmasanà, prasaddà, caódi, sanggar akasa rong tiga.
Yan ngawit ngawangun kahyangan ikà, yadyan amayu angraddinakên ruûaknya, yan katibéng antuk gumi caódala bwat pangawitté, ngawangùn kahyangan ikà, apa lwirnya ; katama gring anda kacacar, guminya manih wwang bimana kêmbar buñcing, wong gring ila kari makrama déûa, cuntaka mati, katindihan caódalan gumi wit pawanguné ilahing lénkajaring sastra, satsat kusuma rùm kagunturan wéci, kawawa rùmnya olih lêtêh, têlas mriknya.
Mwah kadi hêntik candana alit, kahêmbahan puriûya witnya, ilang wanginya mwang kula wangúanya, rawuhing wêkasan, kéwala parab juga kari, nanghing tan kari utamanya, tan wênang inganggé karyya utama yan tan pinahayu, kadi sahika upamanya, sinawangakên dé Bhathara Dharma Widdhi, réh gumi ikà lêtù -/- h sagumi, ngawit 47a.kahyangan palinggih Bhathara malingga ring méru.
Yan ngawangun kahyangan ring panghulun sétra wênang, apan pangalahala nira Bhathara Budda amùrtti ring bumi, sira maragà Sanghyang Dùrbhali, makéwêhing sàrwwa jana, ngalap jiwaning manuûa, asing kakénaking kahyun, ginawa mantuk ring úwarga Bhùdhalaya. Sawa sang mantuk ring úwarga budalaya sami basahakêna, tan wênang pêódêm, kadi sétra malaya ikang gumi kabéh, madùrgama ambuning kunapa, ngupulêk déning pawana, ngutup ngébêking jagat, têkéng swarga loka mahangit apêk gaódhanya. Samangkanà lêtuhing gumi.
Yan hana wong nghawangun kadi sahikà, têka wênang ngastawa Bhathara Bhùdha, nunàs pangalang-ngalang lêtuh gumi, mangdé tan katamanan caódala kahyangan ira, mangdé kénak bhathara né malingga ring kahyangan ikà.
Hana pamarisudanya, nunàs ica ring Hyang Narmadha ring Ér Hêmpul pañudamala ikà, tutug tigang dungulan ikà palaspa -/- sin, kéwantên ngurip jiwaning 47b. wawangunan, ñapuhang tampak buké lêtuh rawuh tampak ûang makaryya. Malih mratiûþanin réh kalangkahan gumi càódala. Wêkasanya yan hana sasih kapat dina rahayu makihis agêng irikà, mangkanà kajaring sastra iki, têlas.

Iki Dharmma Parikramà Sasana ring Widi, saking niti Bhathara Putrañjaya ring Bhasukih, malingga ring argga ning giri Rañjani, duk turun Bhathara Putrañjaya, inutus dé Bhathara Guru têdun ring Bali malingga ring Basukih, dadi panêmbahan para punggawa ring Bali, irikà hana wit niti sastra iki. Kadamêl dé Mpu Pakuturan ring Majapahit, utama têmên. Putusinurat ring dina, A, Ka, Prangbakat, saúih Kapat, nuju Purnama, rah, 1, tênggêk, 2, têlas.

Nyan tata kramaning ratu mayasa dharma tan katama upadrawa, saking ling Bhathara Putrañjaya jumênêng ring Basukih ri tatkala wêton sang ratu ring Ba -/- li, 48a.nuju cuntakà ngamêl sawa, haywa awêton adudus agung, masanggar tawang rong tiga, hala dahat, tan panarira sarining upakara ring anggan sang ratu, satsat adyus ring wéci mawêwêh wigna, santukan sang ratu ngaragayang widdi, aûþaka widdi sarirakên, tan kênéng cuntakà. Mangkana ling Bhathara Putrañjaya munggwing sastra.
Yan ahyun mawêton, ngundukang tata kramà anggan sang ratu, madudus alit wrêspati kalpa wênang pangilang wigna yan angamêl cuntakà, tan wênang mabantên pajati ring paryyàngan sami, lyanan ring dhalêm pangulun sétra, irika juga wênang.
Yan ngaûþawa déwa né wênang; Giripati Brahmà stawa, tribwana, mangkana pangastawan bhathara munggwing sanggar tutuwan. Têlas. Iti Usana Bali pangabaktin karaton ring Bhathara Putrañjaya ring Basukih. Têlas.-

Nyan tata krama ning wiku tan pakrêtti dharma, cok bhakûa, amangan kukusing camah, isuk soré -/- bojana binukti dénya. Yan hanà wiku mangkanà, dudu wiku jatti, 48b. wiwikwan, nga. yan apraûtiûþa gumi, winéh mwah amuja angêntas wang mati palanya tan prasiddhàkên ahêntasên atman sang mati, santukan wiku ika anadhah mangawrêhin manàh.
Yan mayasa dharma kawikwan, haywa jênêk pangan kinum, haywa amangan asing mawrêhing adñana, pidukà hyang kasuhun kidul, kêna upati sang wiku mangkanà, haywa sang wiku amangan manya, palanya sisa wacikànya ring padha jadma kabéh mangkana kajar ring sastra iki.
Nyan tata krama ning ratu mayasa dharma karaton, ngamêl tata krama ning puruûa wangúa kasatryàn, yan hanà satriya mét istri wangúa brahmàna, ndyà ngaran brahmàóa, sangkayan kina-kina amujà parikrama, angêntas wwang mati, salwiring pinujà, sangkayan kina-kina kinêmu ngawikonin maúiûyan sisyan wwang sudra akéh, tan madrêwé kadhang brahmàna ikà, kémantên hana ci -/- rinya, surat pamañcangah 49a.ginamêlnya, saking pêgat pakadhangan saking patukar bwat, mapêgat-pêgatan masanak ring kadhang wangúa brahmàóa kadhang puruûa malawas; pêgat sêmbah.
Yan hana wangúa brahmàóa mangkanà, wyakti wangúa brahmàóa ikà, têka wênang satriya mét istri brahmànà ikà, bwangakêna ring samudra, istrinya tiwakang ring pawaka, mangkana kapatyanya, yadyan wéûya mangkanà kapatyanya.
Malih yan brahmàóa, satriya, istri mét wangúa sudra, cok bakûa wwang mangkanà sudra ikà, jurang angayuh sanggar, nga. mwah wacin angluhurin prasaddà sudra ikà, papa dhahat krama sudra ika tan pandadi jadma mwah. Yan hana wangúa sudra kacihnan sayakti wênang paténên sarantanên patinya, ri sampun pêjah wangkénya bwangakêna ring samudra tatan wênang hêntasên.
Mwah yan tan kêni pinatén minggat alês ring lyan gumi, tan sida olih rawos, pira warûa laminya magênah ring gumi lyan, hana saking -/- kadhang wwang ikà, mapinunàs 49b. ring sang winaya bumi, mangdé mantuk sang sudoûa ikà, kêni inuripan, kaprêcidda kula añud. Yan sang ratu pagêh ring kadharman sasana, ratu maraga ratta, yadyan agêng pangayayanya, agêng baktinya asing pakon kasiddayang, amiddik ûatru angatùrakên molih jjaya satru.
Yadyan mangkanà tan wênang sampuranên, yan hanà ratu samangkana, ñampura wwang dramba ulah mangkanà, cuntaka anasar kramaning sang ratu mangkanà, palanya sarwwa gunan ragan sang ratu mùr. Mwah Sanghyang Aûþaka Widi mokûah ring agan sang ratu, samangkana kajaring sastra.
Yan hana wwang sudoûa mangkanà sampun kasampura sudoûanya inurip dé sang winaya bumi, palanya lêtuh ikang gumi déwa malalis ring gumin sang ratu, gring maranà tan pêgat, rawuhing kapatyanya hêlêm, wênang sakramà mati bênêr, santukan sampun putus kasampura sudoûanya dé sang ratu, sakala niska -/- la, sang ñampura kumaliliré 50a. sudoûan wang sudra mangkanà olih Hyang Kawitan sang ñampura wwang sudra mangkana, né wênang kasampura dosa ning wwang sudra prasangga.
Yan hana wangúa brahmàna istri, kadol tinuku olih wwang sudra, amadal gawén sang tinuku, kacatunan isuk sore, kawêkasan kalap brahmana istri ika olih wangúa sudra, ika durung hana rawos papêgatan wangúa ring bramhàni inalap olih sudra, ales ring gumi lyan, wêkasan hana pinunas kadhang sudra ikà ri sang winaya bumi ñampura sudoûan sudra ikà, réh brahmàóa ikà inanggêh cutaka wangúa. Têlas kabrahmànanya réh mamañjak ring wangúa sudra. Ri sampun kapradhang mulih ring déûanya huni.
Têka wênang sakadhang brahmàna inalapé ning sudra, ngawé papêgatan wangúa, nêlasang wangúa kabrahmanan walwi wangúa sudra, masakûi ring Bhathara Sùryyà, tùr ngilêhin balé agung, sinurak déning wong akwéh sinuduk olih rwaning andong mangkanà kraman sang mamêga -/- tang kawangúan, yadyan satriya inalap déning sudra mangkanà. 50b. Yanora samangkana kari mawangúa utama. Palanya lêtuh ikang jagat, têlas.

Nyan roggha patakà gumi, gring tan pantara, usaddi tan mandi, gumi katiban rudira, ikà cirin gumi lêtuh, hêndi panangkaning lêtuh, sang utama wangúa salah krama, cok bakûa, yan sudra salah krama, niûþa lêtuhing gumi, yan paódita ratu salah kramà, utama lêtuhing gumi, ikà ngadhakakên roggha sangara gumi, apa lwirnya ;
Sasab maraóà tan pêgat, wwang katama gring tan pêgat, rudira tiba ring déûa-déûà, dudu rudira ikà kasiratin wiûya gumi ikà, kaman bhathari tumétés ring lêmah, dadi sasabayu. Matêmahan arupa gadgad rudira ikà nusup ring gumi, tiba ring pangan kinum, matêmahan gring salwiring làra.
Yan hana gumi katibanan rah, agé pinahayu ikang gumi, magumisudha, sadhana bantên sasayut prayaúcitta, nunà -/- s pawitra ring sadhakà, wênginya ngawadon kayu 51a. tulakayu sisih, maduluran gêni angorobakên ring karang. Kayu tulak anggén añapuh karang, panhuman, mangdé masalah wiûya kala ikà. Yanora samangkanà méh ruûak déûa katama wiûya mangkanà, ika wiûya maraóa bayu, panglaranya gumigil, ngêbus nguyang tiwang yan mamùrtti manakitya, méh mati mangkana kajarnya.-

Nihan tata kramaning wwang kinula wisuddà dé sang ngamawabumi, prajñan ring sàrwwa sastra sarodrêûþi, naya ngindang ring jagat, wruhing ûadgunà, inéman dé sang ratu, winéh rumakûa wadwa kwéhnya pañca kupang, kanugrahan dada ramabawu, rama punta, karêbbhing waringin lungguh nira, mawa krama tantu, molih wiryyà lungguh ri tatkalaning magoûana ring sang wiku, haja winéh linggih ring babatùr, dagan paturwan ira, sudoûa tulah wwang mangkanà, kêna upatti dé nira Bhathara Brahmà, winastu alpha guóa yan hana mangkanà, yan niti bakti ring sang wiku , a -/- turanà malungguh ring 51b. salêpa déwa haranya, aturana pagaraóna, haywa sama tata linggih nira ring sang wiku.
Sira sang maraga wiku tan hana ngluwihin ring kawotama wangúa nira, satsat Bhathara Dwijéndra katon, yatika yogya utama lungguh nira. Yanora samangkanà kêna upati dé Bhathara Brahmà. Haywa sang kinula wisudhà wangúa pramadha ring sang wiku, yadya nisbawa daridra, jugul solah, haywa pramada ring wiku, mangkana dharman sang ngawit apagêh ring yaúa. Palanya ping sapta jadma panggih karaton.
Mwah tata kramaning ratù mayaúa dharma; tatkala ning sinéban dé watêkûara dangaúcaryyà makwéh, mwah para pùnggawa mantri nira makwéh, hana ginunitran irà, wênang sang ratù winéh pataraóa padha lungguh ring sang ratu, mangkanà tata kraman sang ratu mayaúa ring raga.
Mangké hana ratù ring nagarà Bangkara Wiryya, mawadwa sayuta kwéhnya, sakti wak bajra, sangkaring molih pratapa nugraha hyang, -/- angkara pramadha ambéké ngaran Úri Walkanaya, jaya satru sira, asing nagara rinêmpakakên tan padoûa, kasor dé 52a. nira, mawêwêh angkaraning manah.
Hana ratù ngaran Úri Sùparkkadéwa, wangúa raghu, madrêwé putrid ngaran Déwi Puûparùm, kadi Ratih hayu ning rupa nira, Linamar dé Sang Úri Walkanaya, tan sukha Úrì Suparkkadéwa réh tan hana sunu wanéh, sira juga hana sanunggal. Brahmàntya cita Úrì Walkanaya, sahasa agya amêrang gulu Úrì Suparkkadéwa. Wruh Bhathara Cintya, gêlis ingalap kadganya saking ngambara, kamagan Úrì Walkanaya, mawas ring ngakaûa, katon hyang Awaruci ring ngambara. Mangkin krodha Úrì Walkanaya, magêtêm nambut watu, krodha Úri Suparkkadéwa, hana wakya ring ngakasa, tan winéh Úrì Suparkkadéwa mayuddà lawan Úrì Walkanaya, ling bhathara ;
Kinwan Déwi Puûparùm lumaga, ring Úrì Walkanaya inganugrahan astra dibya sakti, astran Bhathara Smara, inuring dé watêk wadujana, padha -/- nêngênakên astra, 52b. mijil Úrì Déwi ring raóangga, dadya tagyat Úrì Walkanaya, ya ton Déwi Puûparum, iniring déning watêk wadu. Garjita twas Úri Walkanaya, tinahaú ring déwi bakti angatùrakên jiwan ira ring Úri Walkanaya.
Kinon wadwa mwah caraka nira, padha salah sàrwwa sangñjatà, karawos satru nungkul. Mangkana tinaha dé sang prawira ring Bangkara Wiryyà. Sakûana datêng ring kahanan Úrì Walkanaya, dadi ta katon sang déwi kinarûan ira. Gêlis ÚriWalkanaya amêndak olih sakata maóik, wawu samangkanà, tan tinaha wara yuda ginêgê nira olih wadujana, Pusparum pakatonanya, dadya ta wawu mangucap Úrì Walkanaya, dadya ta winêntang laran nira watêk wadujana kabéh, tumut Úrì Déwi tinihang astra nira, tinuju jajah Úrì Walkanaya, mwah wadwa Úrì Déwi.
Mamanah wadwa nira, dadya ta matêmahan bujastra. Têlas wadwa nira kêna pasah têkaning Úrì Wà -/- lkanaya, magulingan ring lêmah, dadi ta sinurakan olih 53a.wadujana. têhêr anguman-uman satru niûþa tan matangah nandingin masatru istri.
Mwah wadwa nira watêk pracara wêgig manglara-lara satru tinalyan. Hana hanuratipanidatanu, mukanya, dadya ta manangis aminta hurip, angaturakên swarajya nira, mangkana ling Úrì Walkanaya, winuwakakên pasah nira Úrì Walkanaya. Ri wus mangkana pramangké sira winalêsakên hana papatih Úri Suparkkadéwa ngaran Sang Jaya Wicitra kêni pinatén dé Úrì Walkanaya.
Pêjah patih Jaya Wicitra, mabyuran ikang laga. Datêng Hyang Smara pinanah Úrì Walkanaya olih saragni, gêsêng tan paúéûa. Malih urip, mangsêh Déwì Puûparum, manih mamanah mijil bayubajrà katinub déning angin magêng kontal Úri Walkanaya, sakûana manih dhatêng. Mwah linêpasan olih bujagàstra, mwah pinanah tiba ring sitti, dhatêng Ba -/- tara Bayu ngamét jiwa pramana mati Úrì Walkanaya. Wêkasan têlas wadwa nira 53b.aminta hurip.
Mwah wwang sudra sahana ning sudra, tingkah maguru siwa pawitra ring brahmàóa paódita, sira angêntas atma ning twatwanya ing ngkina, siwa pùrwwa ngaran. tùr sampun mapratali bakti maúiwa, kawitanya huni tan pêgat masiwa krama, dadya ta hana sudra ikà, né prasiddà sisya olih brahmànà ikà, prasangga salwiring manah tan rahayu, ring úiwanya, pramadda corah ring déwa wwang ikà.
Ndyà tutamaning corahnya; añorah istri kahula daûyan sang siwa, utama doûanya, satsat amêgati jêng sang úiwa, agêng doûa ning wwang mangkanà dé Bhathara Yama. Sira Bhathara Yama masarira ring brahmàna pandita, winastu wwang mangkana, masariraga gila, éliking wwang gila ulah tumon wang mangkana. Salwih ing guna wwang mangkana pupug, kadawut olih sapan Bhathara Prétharajà, mwah sapan Bhathara Prajapati. Apa lwirnya, winastu wang mangkana, kawéûa -/- olih bhùtha ilêg-ilêgan 54a.darat, mawak ula ngawiûyanin gumi, katêkaning gring masabumi, winastu mijil sàrwwa bhumayapati ring anggan wwang mangkanà, mangwiûyanin déûa pakraman, santukanya dadi mawak babhuthan, rawuh ing ulahnya irûya ring wang lyan.
Mawêtu idhêp ngawiûyanin wwang, winastu dé Bhathara sad kahyangan dinalih dalihan dêluh dé wwang sabumi, mangkanà mala kapangguh déning wwang sudra prasangga ring paódita úiwa pùrwwa.
Yan hana wwang mangkana, haywa sang rumakûa jagat winéh kula úùda ring wwang mangkanà, mapwara lêtuh linggih sang ratu. Hana suganan sang ratu, réh jadma ikà kêna sapa ring Bhathara mwah watêk pacatanda sang wwang arêbing waringin, haywa amuji sakté wwang mangkana, salwih gunanya mari akön, apan wwang ikà niûþa càódala, nga. tanun angrundah sasana ning gumi mangkana. Têlas.-
54b. –

Prasasti Brahmàóa,

1a. ONG samàúwamam jagatnattha, sarwwa papa nirantaram,
sarwwa karyyam ina déwi, pranamammi sùréúwaram.

Awignàm astu namà úidham.
Tabhbé tityang pralanggya nutùran bhaþàra né màraghga brahmàóna wangûà né mijil saking Dalêm Blambangan maraghgà nité, agriyà ring Sanùr gumi intaran, kang apusphattha Idda Padhanda Sakti Wayahan Bhandésûà, agriya ring Sanùr.
Idda Pranda Sakti Wayahan Bhandésûà mawija, 3, kang lanang mahibhu saking Guûþi Pàcung lanang, 1, ngaphuspattha Idda Padanda Ngjung. Ni Jêro Abyan saking Abyan Kapas mawija, 2, kang lanang ngapusphattha Idda Padhanda Wayahan Abyan, Idha Padhanda Madé Abyan.
Katuhùr Idda Padhanda Madé Abyan antuk anaké agung ring Pamêcutthan, kakardiyang griya mawasþà Griya Karang padhà ring Pamêcutthan, mahiringan kakalih, lanang, santanan I Ma -/-
1b. dé Pinatih sané polih pralanggya ring I Guûþì Ngùrah Pinatih, kaghênahan ring Dhésûa Angantakà.
Kàsuwwén I Madé Pinatih màmarêkan ring I Guûþi Ngùrah Angantakà, tùr kahéman I Madé Pinatih ring I Guûþi Ngùrah Angantakà. Sêdêk lunga dané nglila-lilà kahiring antuk I Madé Pinatih, sampun drawuh ring Tukad Dayung punika, tùr arsan dané masiram.
Sasungklité kàtimbàlan ring I Madé Pinatih, tùr kaplahiban kêris I Guûþi Ngùrah Angantakà antuk I Madé Pinatih, ngùngsyang panàghàrà Intaran, tangkil ring Idda Padhanda Sakti Wayahan Mandésûà, agriya ring Sanur, tùr ipun ngaturan kêris sàsùngklit I Guûþi Ngùrah Angantakà mawastà I Yàyunan, punikà kapahica ring putra né, ngapusphattha Ida Padhanda Madé Abyan, madulùran parêkan kakalih, santanàn I Madé Pinatih, kang àwaûþà I Gdé Pinatih, I Ñoman Pinatih, padha ngiring ka Pamêcutthan.

2a. I -/- Gdé Pinatih magênah ring Bênoh, I Ñoman Pinatih maghênah ring Krobokan, phadha kapràbêkêlan antuk idda anaké yàgung ring Pamêcutthan. Punikà katunas antuk Ida Anak Àgung ring Pamêcutthan ring Ida Padhanda Madé Abyan. Kàwêla né kahatùr mawasþà I Pangukwin kalih diri mahumah ring Prahuman.
Inggih yaning kuddang tahun lami né Idda agriyà ring Griyà Karang, awijà Idda kàkalih lanang, mahibu saking Gegél putran Idda Padhanda Sakti Têlaghà Tawwang, ngapusphattha Padhanda Wayahan Têlagà, Padhanda Madé Têlagà Padhanda Madé Têlagà késah ring Sanùr mawasta Griya Têlagà.-
Inggih salêpas Idda Padhanda Madé Abyan, manggêh Idda Padhanda Wayahan Têlagà ring Griya Karang. Katuhur Idda Padhanda Wayahan Têlagà, katuhur antuk I Guûþi Lanang Têgal, kakaryanang Griyà ring Têgalayu.
Kang inucap I Guûþi Madé Rakà, putrà Pamêcutthan, kapêras antuk I Guûþi Lanang Têgal, kasamêtonan ring I Guûþi Lanang Campàkà ring I Gu -/-

2b. ûþi Lanang Têgal. I Guûþi Madé Rakà, kàwutus antuk Idda I Guûþi Lanang Pamêcutàn, saking kapànikayang ring Idda Dalêmé ring Klungkung. Tùr dané I Guûþi Madé Rakà nunas pañjayañjayà ring Idda Padhanda Wayahan Têlagà.
Kalùgrahàn I Guûþi Madé Rakà pañjayañjayà mahadan I Jayasurà, I Naràyaónà. Agêlis inucap kawon Dawwan punikà, tùr kagêntosing parab I Guûþi Madé Ràkà, maparab I Guûþi Lanang Dawwan, antuk Dalêmé ring Klungkung.
Inucap Idda Padhanda Wayahan Têlagà àgriyà ring Têgalayu katuhur antuk I Guûþi Lanang Campàkà sarêng I Guûþi Lanang Dawwan mangdé makadin Griya né ring purin dané I Guûþi Lanang Campàkà phadha ring Têgal. Griyà né maparab Griya Têlagà.
Sampun irikà magriyà ring Griyà têlagà, makardi pamêrajan. I Guûþi Lanang Campàkà makardi pàmêrajan kawasthanin Janggalà. Padha mapodalan ring sasih, 10, nêmu pùróàma, wus ngadasûa ring -/- Tambangan Bàdung.

3a. Salêpas Idda Padhanda Wayahan Têlagà, awijà, 4, kang lanang ping ngarêp Idda Padhanda Gdé Têlagà, Ida Padhanda Madé, Ida Padhanda rahi, Ida Padhanda Bhéjì, padhà mahibu saking Sanùr, mingsikin Ida, putran Ida Padhanda Ngjung.
Pranda Madé késah mantuk ring Sanùr, mawastà Griyà Têlagà. Ida Pranda Rahi magriyà ring Têngah, Pranda Béji agriyà ring si kêlod, padha ring Têgal. Ida Padhanda Gdé Têlagà lêpas, mawijà kang lanang, 4, mapàséngan Ida Padhanda Madé Têlagà, mahibhù saking Griyà Têlagà, putran Padhanda Madé.
Mahibu saking Sakàwatthi Têlabah, Pranda Wayan Carik, Pranda Ñoman Carik, Pranda Kêtut Carik. Pranda Wayan Carik kanggén putra ring Pranda Rahi. Pranda Kêtut Carik kanggén putra ring Idda Pranda Madé Dharmma, agriyà ring Têlagà Sanùr. Ida Pranda Ñoman Carik kari ring Griya Têgal mawaûþà Griya Carik.
Lêpas Ida padhanda Madé Têlagà, madruwé putra, kang lanang, 2. Mahibu saking putran I -/-

3b. da Pranda Wayan Carik. Maparab Ida Padhanda Puttu Têlagà, Idda Kêtut Têlaga. Idda Madé Gégél (ket.tambahan tulisan diantara di bawah nama Ida Ketut Telagà dan Ida Padhanda Puttu Têlaga), Ida Padhanda Puttu Têlaga ngambil putran Ida Pranda Ñoman Ûanur, mawijà, 5, lanang, 3, istri, 2.
Kang lanang Ida Bagus Gdé, Ida Madé Timbul, Ida Padhanda Anom Têlagà.
Lêpas Ida padhanda Puttu Têlagà. Ida Kêtut Têlagà, ngambil ka Jêro Kutthà, Bañjar Ubung, kancandanémêkê agung, aputra, istri, 1, màpêûéngan Idayu Wayan Tabanàn.
Ida Bagus Gdé ngambil putran Ida Padhanda Ñoman Sanùr, mawija istri, 2.
Ida Madé Timbul, ngambil putran Ida Kêtut Têlagà. Ida Padhanda Anom Têlagà, ngambil putran Ida Padhanda Putu agriyà ring Têlagà, mawija, 2, istri. Ngambil kà Prahupan, mawija, 1, istri. Ngambil ka Pàmayun, mawija, 2, lanang, 1, istri, 1. Ngambil ka Jàmattang, Guûþi tan pawijà.
Idda Pranda Kompyang ring Griya Têngah, ngambil putra Ida Bagus Gdé maparab Ida Istri Okà. Ida Made -/-

4a. Timbul, mawija Ida Kêtut Têlaga, Ida Anom Timbul, Ida Wayan Gdé, Ni Dàyu Kêtut, ngambil kà Jamatthang, mawija, 2, lanang Ida Madé Dhangin, Ni Dayu Kêtut Dangin.
Ida Kêtut Têlagà ngambil putran Idda Pranda Anom têlagà, mawija, 1, Ida Padhanda Puttu Têlagà. Mùring satriyà sarêng Ida Anaké Agung, agung ring Bhadùng, minakàdi Ida Cokordda ring Bhadùng, padha mùr mayùddha ring Satriyà.
Ida Padhanda Puttu Têlagà sane mùr ring Satriyà, mawija, 6, lanang Ida Padhanda Gdé Têlaga, istri, 5. Mahibhù saking Griyà Têlagà putran Ida Padhanda Rahi. Malih ngambil putran I Guûþi Lanang Dawwan, awija, 2, kang lanang Ida Kêtut Dawwan.-
Ri sampun kadruwwé jagaté ring i tuwwan. Wéntên arûan Ida makardi palinggih sang maragha Batarà-Batarì, kadruwé antuk idà Cokorda sané mapuri ring Satriyà, kasarêngin antuk ida prasamêtonan idà, minàkadi phali -/-

4b. nggihé mérù tumpang têlu, Gêdong. Phadhmasaónà linggih Ida Padanda Puttu Têlaghà.
Ida Padhanda Gdé Têlaghà ngatùran lalakaràn mawastà paras, kwéh ña, 110, têbih, ring Ida Cokorda sané malinggih ring Satriyà. Mahanggén phadhmasaóna né linggih Ida Padhanda Puttu Têlaghà, ênto kraning Ida Padhanda Gdé Têlaghà muûpà ring phadhmasaóa punika.
Ida Madé Dhangin ngambil ka Lalàngon putran I Guûþi Lanang Batu, mawija, 4, lanang, 2, Ida Madé Timbul, Ida Putu Timbul, istri, 2. Ida Wayan dahuh ngambil ka Bhùwwaghàn mahadan ì Jêro Tañjung, mawija, 1, lanang, Ida Putu Tañjung.
Ida Wayan Gdé ngambil Ni Gusti Agung ring Tangêb, mawija, 1, istri. Ida Anom Timbul ngambil Ni Gusti saking Pamrêgàn mawija, 2, lanang Ida Kompyang Timbul.- / –

5a. Ida Padhanda Gdé Têlagha, mawija, 1, lanang maparab Ida Bagus Bajra, mahibu saking Sanur. Ida Bagus Bajra madruwé rabi, 3 diri. 1, Dayu Kompyang Manik, mawija, 1, Ida Bagus Gdé. 2, Dayu Bajri, mawija, 1, Ida Bagus Alit Gênitén. 3, Jêro Ñoman Kalér madruwé oka, 1, Dayu Madé Yoni.-

Tulisan pulpén tinta warna biru :
Ida Padhanda Gdé Têlaga madrêwé putra, 1, maibu saking Griya Sanur Têlaga, maparab Ida Bagus Bajra, madruwé rabi, 3, diri, mangambil misanan, maparab Idayu Kompyang Padma, madruwé oka, 1, maparab Ida Bagus Gdé. Malih rabi né sané ping kalih maparab Idayu Bajri, kahidih saking alit, mahoka maparab Ida Bagus Kênitén, malih rabi né ping
-/- tiga maparab Jêro Rêngkêg, ulihan kêdakan Dayu Madé Yoni.

Puput tinular duk rahina, Radité Umanis Wara Warigadéan, tanggal 5 Agustus 2012, dé sang anama IB. Héri Juniawan, Jalan : RM. Pandji Anom, Gang Bhima, No. 4 Pagutan Timur Kota Mataram. Kûamakna ngwang mudhalpa úastra.

1 Comment

Filed under Articles

One response to “BRAHMANA WANGSA TATWA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s